Stran: L - Z

Ez bi çiyayê dûzê diketim
Bila bişewite bi dar û striyan
Rabê Alemê bike ku
Bihar û zivistana wê rojê nebînin
Bihara wê gul ûsosinan nebîne
Weyla li min dêranê
Ez bi çiya diketim
Bila bişewite bi dar û stirî
Wileh gava ku dengên
Top û cepilxaneyan
Li peyayên mala bavê min dixuricîn
Ca qasidekî bişînin Newala Qurdîsê
Ferha nemayê, Şaha rebenê Xanimê dêranê
Mane çira mala bavê min ji êvare de vemiriye
Ez neketime heyfa van hogiç û beranan
Na, na ez ketime xema seryên jêkirî di çewalan de
Ku berê wan dane newala Stilîlê
Ku guhên hemiyan yê rastê jêkirine
Axao lo, axao lo.....
Qesîdekî dişînin gundê Çalê
Dibêjin bila Ehmedê Sileman
Were Newala Stilîlê
Em dê hevdu bibînin
Wele gava ku tê, Xwedê zane
Binbaşî bi gir û kîn e
Serê di şewalan de li ber Ehmed datîne.
Dibêje yeko yeko paş navên wan ji min re bixwîne
Ê bêje, ev yê ku dest bi hene ye;
Şêxmus e, zaveyê sê rojan e
Bûka serbixêlî di mala bavê de dimîne
Yê ku guleya topê li eniya wî ketiye
Biraziyê min Qencoyê biçûkê biran e
Gurên li çiyan ne bi hunera wî ne
Wekî gurekî zozanan ji geliyê Bedlîsê
Ku xwe berda min û moran nava berfê
Çolên mih û kaviran ji kêfa dilê xwe re veqetîne
Ev yê din ji lawê mala Daqik e
Wele wî gelek sîwar û şofêrên hukumatê
Di geliyan û çiyan de dane sekinandine
Ev yê dîtir jî lawê mala......
Gelek caran li Newalan Qurdîsê
Wekî wekîlê min dimîne
510