Stran: L - Z

Bişarê Çeto bankir:
Hecî Mehemedê Mistê Reşkotî Mêzeke,
Pênc sîwar ji jêr da tên û dilezînin,
Yek Xalidê, yek Hemîdê û yek Hûsniyê
û yek Rizganê,
Tu carî derbê giran ji destê wan ne dîne,
Hema bi tirsê ji sîwarê şîn bozê sîwarê pêşîn e.
Ez nîşana wî ji te ra hildim,
Wa ya Mehemedê Eliyê Îbrahim e,
Bavê Xezebê kinê gurover e.
Rojê yoxulmê giran bi ser kozikê lawê bava da,
di cadînê, kozê kurê bava daîm bi ser da dişîne.
Rojê yoxulmê giran daîma ,
Sûstemê mîryê ji destê kurê bava derdixîn;
Îro mêr be nava xwe bişidîne,
Bi qedrê Xwedê bî,
Em îro of û xweşî ya xwe ji destê bavê
xezebê nebînin.
Emînê bankir;
Hezerê rebenê Xezebê por kurê,
Îro şer çîya li mala bavê min û te,
Şer bi dûr kir şehîdê Mehmed Eliyê Îbrahim
Bavê xezebê gelek hene,
Bi welînê lawê bava ra bi holbûnê,
Cefî û êgal re bi dûrtînê,
Gamêşê gira re rahîşt nava xerzaniya,
Êrîşa kire ser koza, Hecî Mehmedê Mistê Reşkotî.
Kula Xwedê bi kul bê tê keva mala
Hecî Mehmedê Mistê Reşkotî û Evdulezizê,
Ba Filê û Eliyê lawê Cibo gulak lêxistine,
Li bejna Mehmedê Eliyê Îbrahîm li hêla
Rastê, parçê cegerê qolonve sor kirine.
Emînê bankir:
Nûrê por kurê îro çira mala Nasir tefandine,
Ocaxê mala Nasir ji binda kur kirine.
Hezerê rebenê çi bû, çi çiriya?
Roj di nîvro da, şikiya gulê û barûdê
segmanê, mala Nasir lê qediya.
Min îşev xevneka nexêrê dîbû,
Min dî govendek bi du def û bi du zurna,
Li hewşê ye mala bavê min û te digeriya.
556