Stran: L - Z

Şerê Bagok û sêbarî topan e
Stara me nîne axa lo lo lo.....
Weyla li min e
Ez bi dara mirada bi çiya duzî diketim
Weyla bi dar û strî ye
Bila kulek ji ezmana têkeve mala wî çawişî,
Ew du neferên mala mihemedê Cizîrî
Bi agirê makinê diqulpîne.
Dûrbînê li ber çavên xwe datîne
Berî muxribê piştî esirê
Xwedê zane bi darê dûrbînê
Wî kuçê di devê şkeftê de ye
Agirê tivingan bi çavên xwe dibîne
Berê topa dide wî kûçê di devê şikeftê de ye
Bi berika topê dimhîne
Mane guleya topê dikeve şikefta Rûtê
Ji sêzdeh beranên mala Cizîrê
Ji yekî pêve wekî laşek namîn e,
Axaooo lo loooo.....
Weyla li min dêranê
Mane axao dilê min ji dilan delûdîn e
Ez bala xwe didemê
Bila Kula Helebê têkeve mala wî çawîşî.
Guleyek li eniya Qenco ketiye
Gowdeyekî bêserî li wê meydanê ye
Ez sênga meydanî nabînim
Ez ji kîjan peyayê mala bavê xwe dinêrim
Bê kinc û bêpîne ne
Li kîjan beranê mala bavê xwe dinêrim
Bi simbêlên reş û qeytanî bi rengê
Wekî şerîtên xwînê daketine.
Mane tu rabe cewabekê bişîne xopana Kefilhewarê
Bêje xanimê dêranê rebenê
Sîwaran bi xurcikên mecidiyan bi qedimîne
Belkî tu vê balayê ji ser beranên mala bavê xwe rakî
Mane ji êvara Xwedê de
Dengên topan li li daramirada li ser serê
Peyayên mala Mihemedê Cizîrî dilîlîne,
Axao lo axayê min o lo....
Weyla li min dêranê
509