Stran: L - Z

Ezê bi diyarê Tayê Taloriyê kevirê Kelereşê
Kêşa newala Seyîda ketim
Sibê ye ji xema dilê min û te ra wa ma li ger e.
Na, na wele ezê vê sibê bala xwe didemê
Mi dî celebê sîwara ji jor da derketine û tên e
Siwarê pêşî tim û daîma namluya tifinga xwe
dajo ji pê re
”Berxê mala Ûsîvê Seydo, Seyîdxanê Kerr e
Lê şahdê wî û şûhde wî xweş mêrî li dinyayê gelek hene;
Li ortê meydanê mêra dikuje
Nahelê tu kes di kozika xwe de tevbigere!
Mi dî Seyîdxan bi sê denga dikir gazî digo;
Lo lawe Sidiqê lawê Mistefa Begê
Em hemî mehkum û firar in, barê me qaçax e,
ji bona xwedê wele vêga berê me li xetê Firansa yê
Eman destê min e li dawa(doza) te be,
Destê te li dawa pexember be
Lo lawo li wî welatê Serhedê
Tu yê qisr û qusûrê li me nekî.
De tu yê pêşika fîryarê me berdî
Lo bira paşiya qaçaxê me hereee wûûûûûû
Sidiqê lawê Mistefa Begê
Li berxê mala Ûsîvê Seydo
Bi sê denga dikir gazî digo;
Lo lawo seyîdxanoooo
wele nabî, sî ciz û Quran nabî
Bi şêx Badînê erda lulûkê
Bi ziyareta Qalibaba kim nabî
Min sond xwarî bi sonda telaqê cot cot xanima,
Îro cotê xanima
Wele qaçax fîrarê mala Ûsîvê Seydo
Bê qetl û qutil di ser mi ra, hey lo derbas nebîî....
Gidî wî axawo, axawo, wî axawoooo
Êla bavê mino, sehera sibê ye
Û ezê bi diyarê Tayê Taloriyê kevirê kelereşê
Kêşa newala Seyida ketim
Sibê ye ji xema dilê min û te ra wa bi çem û kanî
Seyidxan bi sê denga dikir gazî digo;
Lo looooo Teyfiqo, Selhedîn, Elîcan û Ferzende
Hûn ê beşara çavê bavê min in, Ji mêra merê çê bin
Hûn ê destê xwe bavên qewda miratê modeliya
522