Stran: L - Z

siyasî jî bimînim, divê ez hunera xwe bi siyasetê jî bixemlînim. Divê ez baş bi
siyasetê bizanibim da ku ez bikarim hunereke têr siyaset bi kêrî gelê xwe jî
werim. Divê ez di her warî de tiştan bizanim û li dervayî civakê nemînim.
Baksî: Ez dixwazim di vir de tiştekî bibêjim. Berî her tiştî Şivan siyasetvan e.
Berî hunermendiyê Şivan siyasetvan e. Loma heqê kesî tuneye jê re bibêje, here
lo, here ji xwe re li tambûra xwe bixwe û stranên xwe bibêje! Gava ku wisa
dibêjin jî, ew Şivan biçûk dibînin. Şivan rola xwe di doza kurdî de dilîze
Firat Cewerî: Gava ku mirov bi awirekî dîrokî li hunera Şivên dinere, bi
naverok, stil û şêwe ye xwe ekolekê tîne bîra mirova. Û vê ekola ha hem
tesîr li nivşek hunermendên kurdan kiriye, him jî li hunermendên tirka yên
esil kurd kiriye. Herçî hunermendên kurdan in, hin hunermend ne tê de,
wekî din bi piranî mirov tesîra ekola Şivan ya li ser wan dibîne. Û
hunermendên ku bi tirkî distirên, gelek ji wan bi kopya Şivan bûne
navmezin û herweha dewlemendên mezin. Gava ku tu vê yekê dibînî tu çi
hîs dikî Şivan? Tu hers dibî an jî kêfxweş dibî?
Şivan: Niha, pir normal e. Ez zimanê xwe ji dê û bavê xwe hin bûme, ew jî ji dê
û bavê xwe hînî ziman xwe bûne. Mirov wilo xwedî dibe ku ev zimanê min bi
tenê min çênekiriye. Ez ziman bi sed salan, bi hezar salan, dê û bavê me, kal
pîrên me girtine û heta vê rojê me anîne. Herçî mûzîka kurdî ye, ew jî ne min bi
tenê çêkiriye, ez berdewama hinên din im. Niha çima gelek behsa Evdalê
Zeynikê tê kirin. Di eslê xwe de Evdal Feqîrek bûye. Ew di qonaxa Surmelî
Memed paşa de dengbêj bûye. Ew dengbêje Surmelî Memed Paşa bû. Kor bûna
Evdalê Zeynikê jî ne meseleya nexweşî mexweşiyan e, ew ji bo jinan kor kirine.
Yanî jinan çav lê diketin dilê wan diketin Evdêl, Ji ber ku Evdal jî li wan dinerî,
rabûna Evdal kor kirine. Kes vê nabêjin jî, ez dibêjim. Ji ber ku gava mirov
dengxweş be, an jî zarxweş be, mirov balkeş dibe, xelk ji mirovên wiha hez
dikin. Ji ber ku jin diltenik in, jin zûtir aşiq dibin, jin bêtir hez dikin. Loma jî li
ser hunermendan gelek mubalaxa çêdibin, lê tu bixwazî û nexwazî tên hezkirin.
Gava min bi xwe dest bi mûzîkê kir, min baweriya min pê hebû. Heger hûn
diqet bikin, min ne bi tenê ekolek çêkiriye. Gava hûn bala xwe bidinê, min bi
kurdî mûzîka Rappê. Min berî Emerîkî û Avrupiyan, yanî min donzdeh sala berê
Rapp gotiye. Ew jî strana ”Kî nê em”
Kî ne?
Gelê Kurdistan
Şoreş û volkan....
Min bi axaftin gotiye. Gava ku min ew stran çêkir jî ez di bin tesîra tu kesî de
nemame. Çi hîsên min dihatin min digot. Li gor tekstê, li gora rewşa wê şihrê,
wê helbestê, min besteyên xwe çêkirine, min awaz daye wan,. Wek min got,
heger ez Avrupî an an jî Emerîkî bûma, bi rastî jî ji bo strana”Kî ne em” We
bigota Şivan bavê mûzîka Rappê ye.
Hinek dibêjin baş e, Şivan hunermendekî siyasî ye, heta vira anî, lê gelo Şivan
610