Stran: L - Z

1531-ZAHIRO
Zahiro di sala 1950´î de li gundê Kinyad a Farqînê
ji dayik bûye. Zaroktiya wî li Kinyadê derbas dibe û
di 15 saliya xwe de tevi malbata xwe koçberê Kop
(bi Tirkî Bûlanik) a Mûşê dibe. Ew jî wekî hemî
dengbêjên Serhedê ji dibistana Evdalê Zeynikê ye.
Dewleta Tirk navê Zahir Koçu pêvekiriye.
Zahiro ji nifşa dengbêjên wek Reso, Şakiro û
Husyno ye. Ev her sê jî çûne ber rihma Xwedê û ji
wan Zahiro wek yadîgar maye. Ronakbîrên Kurda, yên dixwazin di warê hunera
gelêrî ya Kurda de xebatê bikin, divê zûtirkî biçin cem wî û di bîr û mejiyê wî de
çi hene tev berhev bikin ku ew jî mîna yên din xezina xwe bi xwe re nebe gorê!
Zahiro niha nexweş e. Mala wî li Îzmîrê ye û rewşa aboriya wî jî ne baş e. Tirsa
min ew e ku ew jî wekî Şakiro- kewê ribat- ji xizaniyê bimire... Kurd wê pir
poşman bin lê mirî ji gorê ranabin...
1532-ZAKARIA
Stranbêjê Zakaria (Zekeriya Ebdulla)
Zakaria an jî Zekeriya Ebdulla stranbêjekî kurd e
Kurtejiyan
Zekeriya Ebdulla li Hewlêrê li Kurdistanê hatiye
dinê, di zaroktiya xwe de piraniya dem û heza xwe bi
muzîkê re derbas kiriye. Ew di malbatekê de mezin
bû ku muzîk wek hogira herî xwe ya mezin qebûl
dikir.
Di sala 1993ê de koçbarî Swêdê bû û dest bi karê
muzîkê kir, her li wir bi stranbêjîn navdêrên kurd re
dest bi jenîna Kîborê kir. Di sala 1998ê de yekemîn
albuma xwe "Tu Hatî" weşand û ev albuma wî bû
pira wî ya ku jê ve derbasî cîhana muzîkê bû û karibû
navê xwe li wir bide bihîstin.
Sala 1999ê albuma xwe ya bi navê "Bigerrêwe" weşand, piştire karên xwe
pêşvetir birin û bi riya weşandina albuma "Dayê" di sala 2001ê de bêtirî
milyoneka alîgirên kurd li xwe civandin. Piştî vê yekê jî berdewam pêşve çûye,
bi awakî ku her dema bixwaze dikare pir alîgiran li dorên xwe bicivîne.
Sala 2002 ê albuma xwe ya silverî ya bi navê "Rojgar" weşand û bala hemû
alîgirên muzîka Kurdistanê kişande ser xwe. Bi riya vê albumê pir alîgirên wî li
760