Stran: L - Z

- Bavo, min sondxwariye heyanî Ûsîf Beg Mîrê Kela Wanê nayê vê derê, ez
nadim îzna mehrê.
Yaz Beg dibêje:
- Keça min tu çi laîq dibînî. Bişîne pê Ûsîf Begê bila bê.
Mencolê radibe kaxizekê dinivîse, dike nav zerfê, dide destê xulamekî û çend
zêran jî dide û dibêje;
- Ecelê vê mektûbê bibe bide Ûsîf Begê Mîrê Kela wanê. Xulam mektûbê
hildide dikeve terqa rê. Sê roja sê şev pişt re xwe digihînê Kela Wanê, mektûbê
dibe dide dest Ûsîf Begê.
Ûsîf Beg devê zerfê vedike, bala xwe dide ev mektûba Mencola Yaz Begê ye.
Tê dibêje:
- Bavê min ez dame Erebê kurapê min, min sondxwariyê ez nadim îzna mehrê,
hetanî tu neyê yî vê derê.
Ûsîf Beg piştî ku mektûbê dixwîne, dişîne pey Xişo yê mirtibê xwe û tîne
dîwanê, ji xulamê xwe re dibêje;
- Bikin kar û tedbîr min û Xişo emê herin çiyayê Sîpan Xelatê.
Xulam didin Xişo mêhîna Delîhorê Ûsîf Begê Mîrê Kela wanê re dişînin. Bozê
çar salî û tevlê Ûsîf Beg bi Xişo ve dikevin terqa rê û sî roj û sî şevî dimeşin û
xwe digihînine çiyayê Sîpanê û Xelatê. Bala xwe didinê, govendeke giran
digeriyê, Mala Yaz Begê. Bala xwe didine ew daweta Mencola Yaz Begê.
Xulam tên pêşiya wan serê hespê wan digirin û dibêji;
Mîrê min kerem bike wer aliyê dîwanê.
Lê Ûsîf Begê Mîrê Kela wanê naçe aliyê dîwanê. Diçe dikeve serê govendê. Lê
govend hêj li dorekê nazivirî, Mencola qîza Yaz Begê radibe dikeve destê Ûsîf
Begê Mîrê Kela wanê.
Mîrê Sîpanê vê yekê qebûl nakin. Radibin ji Ûsîf Begê re datînin sifrê bêbextiyê.
Dibêjin;
- Emê Ûsîf Begê bikujin, Mencolê bidine Kurapê wê bi emrê Xwedê. Rûsipiyekî
Yaz Begê diçe cem Ûsîf Begê û dibêje:
- Mîrê min, kerem bike em herin dîwanê çay û qehwê vexwin.
Mencolê diçe cem Ûsîf Begê dibêje;
- Ûsîf Begê hay ji xwe hebe Mîrekên Sîpanê ji te re danîne sifra bêbextiyê.
Ûsîf Begê Mîrê Kela wanê govendê berdide, berê xwe dide dîwana Yaz Begê.
Di nav hawliyê de mîrekên Sîpanê êrîşa ser Ûsîf Begê dikin. Ûsîf Begê bi
xençera xwe mêrekî xurt bûye. Lêdixe sî û sê mîrên Sîpanê û Xelatê dikuje.
Mencola qîza Yaz Begê bi destê zorê hildide tîne. Ûsîf Begê û Xişo û Mencol sê
roj û sê şev bi rê de tên û têne Kela Wanê.
Ûsîf Beg bi Mencolê Yaz Beg ve daweta xwed dikin. Vê navbeynê de midetek
derbas dibe Mencol ji Ûsîf Begê dipirse, dibêje:
- Mîrê min ew gustîla min dabû yî Xişa ji te re şandî kanî li kuye?Dema ku
Mencolê bûyarê ji Ûsîf Begê re dibêje, Ûsîf Beg meseleyê fêm dike.
Ûsîf Beg gazî Xişo dike tîne dîwanê ji wî dipirsê û dibêje:
- Ji min re rast bibêje ka te gustîla Mencola Yaz Begê da kîjan jina min? Tu ê ji
260