Stran: L - Z

hatine gotin? Evîn bi xwe destpêka jiyanê ye. Gava ku mirov dizevice dibe
xwedî zar û zeç ew normal dibe. Lê gava ku mirov dildar dibe evîna xwe
dixwaze, li dû digirî ew evîna ha hingî dide bedena te û tu nikarî bêî wê bijî.
Stranên evîne herkesî eleqeder dike, têkilî ye herkesî pê re heye.
Firat Cewerî: Di vê pevajoya dirêj de Şivan Perwer di warê mûzîkê de çi
guhertin di xwe de çêkirin?
Şivan: Çiqas guhertine baş hene ez di xwe de çêdikim. Ez tu carî naxwazim
şûnda bimînim. Ez nabêjim weleh min Xezalê gotiye, divê ez bi tenê li ser
Xezalê bimînim, na, ji destê min were ez ê Xezalê û Derwêşê Evdî têxim nava
senfonî û bibêjim. Ez mirovekî ji guhertine re vekirme. Ez ji gundekî Kurdistanê
hatim û heta Amerîka çûme. Ez li mûzîka her miletekî guhdar dikim û jê hez
dikim. Dixwazim mûzîka min ji ji aliyê herkesî ve, her kulturê ve were hez kirin,
loma divê ez xwe her tim biguherim jî. Min du meqamên mûzîkê gotiye. Min di
hicazî kurdî de gotiye, min di beyat de gotiye, min di rast meqaman de gotiye,
min di sêgah de gotiye, min di huzam de gotiye.
Firat Cewerî: Lê îmaja te ya li ser sehneyê nehatiye guhertin, li xwe kirina te
eynî li xwe kirine, kincên te eynî kincin....
Şivan: Belê, demekê min xwast ku ez kincên xwe biguherim, lê xelkê ez rexne
kirim, xelk hînî vî şiklê min bûne. Guhdarên min ji min re dibêjin ku figûrê
mina bi kincên kurdî min li ber çavên wan delal dike.
Firat Cewerî: Tu mûzîka kurdiya îro çawa dibînî û herweha tu pêşeroja
mûzîka kurdî çawan dibînî?
Şivan: Ez rewşa mûzîka kurdî ya îro pir baş dibînim, mûzîka kurdî di riyeka pir
baş de ye. Ji ber ku însanên me pir baş dixebitin, herkes di warê xwe de dixebite,
ez hunermedî teqdîr dikim, ez tu kesî biçûk jî nabînim, giş çavê min in, ronahîya
min in. Mûzîsyên me mehelî jî hene, yên klasîk jî hene, mûzîka kurdî
dewlemend e. Kî çi dibêje bila bibêje. Em hene.
Nûdem 30.
617