Stran: L - Z

Tê bêjî were li mala xwe rûne,
Axawo wîla wayê.
Siûda êrîşa ewilî derbek daye li Silêman û Bazo.
Laşê wan maye li kevanê Qîrê,
li ber tirêja tavê.
Ez çi bikim? Îro di susteme de maye asê.
Ez dikim nakim bi şîşa tifingê,
Bi serê kuriya xençerê jl dernayê.
Hawara wan zahif e, hawara me file û êzidî ne.
Tu qail bî ne qail bî,
Îro wê mala Quto koka mala Nasir biqelînin ji dinyayê.
Qey tu nizanî roja ku roj reş bibe rev bi kêrî her çar peyayê mala Nasir nayê.
Wîla waye, wîla waye
Sê şad û şirûdê Hecî Mihmedê Mistê bavê Sebrî hene li dinyayê
Sê deng li axê Xisarka û Pîloka dikir gazî:
Bavê min bûno lêxin.
Êvar e roj nemaye,
Termê Silêman û Bazo li mala Tapiyê li ber tirêja tavê maye.,
Îro heyfa wan xweş mêra li erdê maye.
Reşo gazî dikir:
Hecî Mihmedê Misto navê Xwedê bide,
Êvar e, hê ro zû ye min derbekî daye Hamîd zava ye.
Derba dido ya daye li bejn û bala Xalîdê kevinka li ser desta ye.
Min derba sisêyan daye bejn û bala Rizgo cilê resmî lê ne.
Hikumata Elmedîna îro li erdê maye.
Min derba çara daye bejn û bala Mihemedê Elî bavê Xezebê kewê sekekirî,
Roja ku biqewîme mêrekî bi seda ye,
Min derba pênca avêtiye Hesoyê Brahîm ez nizanim sax e ne bi birîndar e.
Mirîdê Şêxê Zîla ye bi lingê hespê boz reviya ye.
Min Heso nekuşt min ji bona derd û kulê dinyayê ew berdaye
Wîla wayê wîla wayê.....
Çîroka kilamê jî wiha ye.
Di vî şerê Qîrê de, di rojeke de çar birayên Heso, bi navê Hemît, Xalid, Rizgo û
Mihemed Elî hatin kuştine. Du heb ji eşîrê Reşkotan bi navê Silêman û Bazo
hatin kuştine.
Hesoyê Brahîm piştî kuştina çar birayên xwe çûn Wêranşehrê, cem Brahîm paşa.
Lazimiya ji sîleh bigire hetanî mermî ya ji xwe re anî, hate gundê Zercilê û
Bahezirq ê, koma xwe çêkir, hawara xwe bi file û êzidiyan anî. Gotin emê
bavêjin ser Hethetkê, emê bistînin heyfa xwe. Mihemed Elî birayê hev in,,
Reysê jî kurê mamê wan e. Ev her sê zilam û mêrxas in, jêhatî ne.Neyarê wan
Hesoyê Brahim ve re dibêjin“ Eger ji wan her sê kesan yek bifilte, wê heyfê
bikine deh heyf, divê yek ji wan xelas nabe” Heso deh zilaman dixe hewşa
Mihemed, deh zilaman jî dixe hewşa Elî û deh zilaman jî dixe hewşa Reysê. Sê
448