Stran: L - Z

Ku min zanî biwa,(bûya)
Bextê mîrê min ev e,
Ezê biçûma ciwana Mîrê xwe,
bi şev e.
Oy, lo lo Mîro,
Dilê min dilêkî dîn e,
Min di sibê Melesê derkevî
Ser bana Birca Belek,
Li dora qesra kevir- Hewara
Şewitî dimeyzîn e,
Dinêrê ku mûm û fenerê dewletê,
Li dora qesra kevirê- Hewara şewitî ne!…
Wey lo Mîro;
Hesab li axa erda heye,
Li kon û sîwanê dewletê tu nîne!…
Min dî Hezarê bi sê denga ban kire,
Digo;
Melesê porkurê nemayê;
Tu rabe derkev,
Ser banê Bircê,
Tu qebhetê giran
Bi çavê serê xwe bibîn e.
Hey lo Mîro, hey lo Mîro!…
Min ji te re ne go:
Oy, lo Mîro, wiha ne kî;
Tu ê serê kûçikê wan M....jê ne kî;
Tu Birca Belek xera ne kî;
Tu fermana me ji Stenbolê ra ne kî;
Tu mîradê dost û dijmina li me ne kî.
Melesê derdikevê ser Birca jorî,
Li dora qesra kefir- Hewara
Şewitî dimeyzînê;
Di nêrî ku peyakî di ser riya
Dêrezbîna xopan tê û dilezînê…
Min dî Melesê bi sê denga kire gazî;
Digo Hezarê porkurê,
Xwedê hebîna tu rabî,
Miftê li sandûqa Ezromê xinî,
683