Stran: L - Z

Canê me jî bi me re erzane,
namûs bi me bihaye
Em herin ser pîra Mala Badê
Ji ber zûlm û hovitiya Tirkan
Em hinek xwe bavêjin ser çemê Amedê
Em hinek xwe bi darxînin
Em hinek xwe bişewtînin
Erê xwîşkno bal û meyla xwe bidin deşta Qerejdaxê
Deşta Heranê çi deşta fere ye
Hê de em bi rondikê çavan
Nameyeka xwe binivsînin
Emê binivsînin ku em jinên Kurdane
Parêzvanê namûsa merdane
Da ku hûn can û cesedên me
Namûsa me nekeve destê destê leşkerên Tirkan e
Vaye em canê xwe dikin
Qismeta mar û masiyên ava deryan e
Dibê hinek bibînin, dibê hinek nebînin
Belkî çerxa felekê bizivire, dewran rabe
Hinek ji zarên Kurdan, ji vê kuştine xilasbin
Emê nameya xwe daynin ber serê erdan û zeviyane
Li bin keviran veşêrin
Belkî sibê lawên Kurdan rabin
Cothên xwe li wê derê bikin
Pozê haletê li ber keviran keve
Wê nameya me bibînin
Da ku sibê li civatan serên xwe nexin ber xwe
Serê xwe hilînin
Em jinên Kurda gaziya xwe bi wan tînin
Eger bi xiret be, wê cothê xwe bidomîne
Eger bi namûs û şeref be,
Lawên Rûstem û Mediya be
Yê rondikê xwînê ji çavan bi ser rû ve bibarînine
Yê destê xwe bavêje nava mewzera xwe
Xwe bi çek û rextan bixemilîne
Wê berê xwe bide nav mal û malbatên Kurdan
Li hevalên wek xwe bigerîne
Serê çiya zozanên Kurdistanê
Wê ji xwe re bike werê şeran
Heyf û tola me ji dewleta Tirkan hilîne
Lo welato... eman eman lo welato
Bêqanûnî bê qimeta.
Wexta ku fermana me kurdan dan li
145