Stran: L - Z

Ez bi te re dost bûm, tu bi min re dijmin bû yî
Tu li paş xanîkan li min dikelistî,
Te derbek bi tivingê berda min, ez dikuştim.
Şevê nîvê şevê, te bi destê tola jina xwe girt
û ez li ber dîwara dihiştim(hiştim)
Xirabo, dîno, min bihîstî tu zewicî,
te ji xwe re yeke dixwastî
Heke ji min çêtir be, bila li te helal be,
li wî canî, yan na, ezê tu nifira li te nekim,
tu dûrî dest î.
Xwedê teala bike, Rebî, goştê canê te bihele,
li hewa bimîne komek hestî
Tu kor bibî, tekevî ber vî destî.
Xirabo, Xirabo! Xwedê teala bike, Rebî
Heçî ji xirabê min re bêje: „Tu xirab î‟
Bila karîn û warîna zarokê nêr tu carê di mala we de nebî
Bila sed olçek genimê sor li binê beriya
Mêrdînê biçîne, li şuna bila qerezîwana reş rabî
Ê mayî bila kuliyê par û pêrar lê rabî
Bila salekê bînê ser bênderê,
gêre bike û bidêre, ew jê re bi ka bî
Kulmek zad jî ji wan re safî nebî
Heçî ji xirabê min re bêje:„Tu baş î, tu pir qenc î‟ Xwedê teala bike, rebî kulmek
garisê li pişta malan biçîne
Li şûnê sed olçekê genimê sor hilîne
Bi ofara bînî qîza şêxekî, axakî ji xwe re bine
Zikata malê vê salê bide min û bazê dila
Emê pê daweta xwe li darxînin
Min dî bazê dila barê xwe bar dike,
berê xwe dide aşê mala Hecî Şendîn e
Tu li wê nawelê temam bigere,
tu li hef seriya bigere, tu çavekî di wan de nabîne
Min dî mîrata çapê li arvanê bazê dilê min dixîne
Heft çap û nîvê ji arvanê bazê dilê min hiltîne
Daweta min û Xirabê bi tenê sala vê salê,
nîv cî li dar dimîne
Xirabê min xeyidî ji gundiyan, ji maliyan
Min dî da ser rêka Omeriyan
740