Stran: L - Z

Minê digo: „Ezê rabim, bang bikim heval û hogir û hemşeriyan‟
Bila herin, xelkê delal vegerînin bi kêf û eşq û laqirdiyan‟
Bila Xwedê teala biqedîne miradê
mirad xwazan û dilketiyan
Bila miradê min Xirabê min bimîne heya
koçerên me vegeriyan ji deşta Mûşê rûnin akinciyan
Xirabo, dîno, Xirabê xelkê
Te bejn ziravo, bi terha benikê
Dilkê min û bejna zirav di hev de hebû
çi kul, ku ketiye mala xelkê
Xirabo, dîno, mala bavê keleşgewra min li wê çivê, li wê ewcê, li wê fitlekê
Te meşqazê, meşqetikê, meşordekê
Heçiyê xortê ku bi çavê xwe dî û bi dilê xwe zewicî, ewê sê roj û sê şevê xwe
kuştine ji dinyayê, ji qoce felekê
Xirabo, dîno bila li te be, li wî dilî
Bila li mala hezar û heft sed bavê te be, li wê aqilî
Çawa te dev ji min kihêla serê tewla berda
Tu li bergîla şixulê Rişmiliya û Qibaliya dihesilî.
Min ji te re negot: „ Di meha biharê de‟
„bergila(bergira) li şûna kihêlan netewilîn‟
Li xuşka mezin binêr, dû re xuşka biçûk ji xwe re werîne
Lawiko, dîno ezê çi bikim? Sala vê salê
Ez bi mêr im, tu bi jin î
Kul û kederên te gelek in, şax berdan vî dilî
Kul û kederan ji bîr nakim, heya axa mezelan kêlêd kevirî
Kul u kederên te pir bûne, tucar dernakevin ji vî dilî
Xelkê digo: „Keleşgewra te esmer e û genim guwîn e‟
Bi xelkê tahl e û bi nefsa min şêrîn e
Tu rabe, serê xwe di kulek û şibakê Qesrê re derxîne
Bila sira bayê Qerejdaxê li ser şê biskê te êşê xîne
Bi ser hinarkê rûkê rastê te vegerîne
Ez dikim herim welatê xerîb û xurbetê,
Tu kanî ramîsanekê bi min dî, ji bona boxaza qirikê, ji xan û manê gerdanê
Bila kedera ramîsanê te keçikê li welatê xerîb û xurbetê di dilê min de nemîne
wexta ezraîl dakeve rûhê min bistîne
Wê gavê bila duwanzdeh mikweta zêde heqê min li min xîn e
Bila ramîsanê keleşgewra min ji min hilîne
Xirabo, xirabo, xirabo! Wey li minê Wey li minê, Wey li minê, çawa îro hatiye
cewaba nexêr e, ji min keçikê re
741