Stran: L - Z

Bi sê telaqan ji xwe berdan a
Lêlî belê simbêlên boyaxkirî
Avêtinê van miqerifê tivingan a
Lêlî belê Mala Eliyê Ûnis
Dênê xwe danê fişek û
mermiyan wan nemana
Ûzanibûn ku barê hikûmatê
Barê risês a zehf giran a
Û lêlî belê van bêbavê tirkan
Dênê xwe danê ku
Dengê tivingên wan nayê
Fişekên wan nemana
Lêlî belê carekî wan singo
Avêtin devê van sîlahan tivingan a
Û hicûm berdana ser kozik çeperên
Mala Eliyê Ûnis
Ûheyf û mixabin wê rojê
Bîst û pênc mêrê me kurdan
Dane nav lingan e axao...
Wele firman a li me firman a
Wezê çi bikim şerê Mala Eliyê Ûnis
Li pira Malabadê
Li newala Qeremûsê
kenarê avê
Û emê çi bikin hemî emr û îrada
Xwedan e axao......
Salihê Kevirbirî.
MİRADO
Dengê Mirado li çar aliyê Kurdistana bakur belav bûbû. Lê wê demê herkesî
dengê wî guhdar dikir. Lê mixabin em di derheqê wî de pir tîştan nizanan. Ew li
ku bûye û li ku miriye. Ew jî bi me dide xuyakirin ku me qimet nedaye wan. Me
ew geh wek Mitrib û geh wek Qereçî nirixandine û dîtine. Ew di nava civatê de
biçûk û bênirx kirine. Lê awaza Mirado kê guhdar kiriye ew mest bûne. Navê
Mirado li aliyê Mêrdîn û Qamîşlokê ji aliyê herkesî ve tê naskirin. Mirado ne
tenê stranên klasîk gotine. Wî stranên evîne jî gotine. Ew hertim li dawet û şaya
amedê bûye. Gava ku wî stranên evînê digot in, keç û xort di ciyê xwe de
direqisîn.
Ji bo ku Mirdo neyê ji bîr kirine. Em nivîsa birêz Suleyman Demîr bi kurtahî li
294