Stran: L - Z

Li eskerê Roma reş bireqînin
Belkî heyfa Smail begê,
Kekê Helef begî;
Apê Tahîr begî,
Ji wan teresê Romiya hilînin.
Oy, lo Mîro ferman e;
Fermana serê Mîrê min giran e.
Min dî Smail begî bi sê denga ban dikir,
Helef begî, Xwedê hebîna,
Mi ji te re ne go tu ê wiha ne kî,
Tu rabî bana milê kî,
Bila kaxitekê binivîsê,
Tu ê bidi destê xulêm;
Bila berê xwe bidî cem mala Heco axa,
Bila komek giran li wê derê bicivînê,
Bila şevkê bêne Dêrîzbîna xopan
mêwandarî ne;
A dinê şevê li qesra kefir Hewara şewitî,
Li Birca Belek dawetlî ne;
Bi çeplê wan bigirê,
Wan li sûka Qeyseryan bigerînê,
Bila binêrin ji gowdan bê serî ne,
Hemî kûçikê M………serbikesk in,
Aliya şêxanî ne,
Dilê wan reş e,
Nava wan wek tenî ne,
Sed adaniyê Xwedê li canê min keti be,
Ezê koka teresê wan M……
ji binî de biqelînim.
685