Di Napoli il seno cratero esposto agli occhi et alla mente de' curiosi

Tertium est balneum d’Astruni, quod invenitur dum à turri regia, quæ Agnano eminet, dicta d’Astruni in
planum descenditur à dextra propè primum lacum. Ejus aqua cerebrum recreat, læsis oculis subvenit,
gingivas stringit, dentes roborat, fauces exiccat, raucas ex rheumate curat, vocem clarificat, pectus
lenit, uvvlam elevat, appetitum excitat, è stomacho fastidia, & è membris pigritiam tollit, omnemque
rheumatis genus esiccat.
Quartum balneum est foris cryptæ, quod invenies si post exitum ab hac cripta, per radices montis
Pausilypi versus maris littus procedas, ibi enim 30 passuum distantia à mari, ac eadem distantia à
montis radicibus, tumulus antiquus apparet, in quo puteus est potabilis aquæ, quæ pota ignitos artus
refrigerat, esiccata à febribus membra rigat, pulmonem læsum, jecur, & pectus sanat, debilitatem è
stomaco tollit, tussi, & ægræ cuti medetur, nocet tamen hydropicis.
Quintum balneum est Juncaræ, quod invenies, dum post hujus cryptæ exitum per regiam viam, qua itur
Puteolos, 29 ad maris littus pertingit, in dextera est aquæ lavacrum quod mentem lætificat, gaudia fovet,
tollit suspiria ultro venientia, venerem provocat, & ad eam fortes efficit, renes consolidat, stomaco
prodest, & læsis lumbis; vires jecoris repa[113]pinguefacit, erraticas febres exterminat, 30 providetque,
nè cutis extenuetur.
Sextum est balneum Plagæ, seù Balneorum, 31 dictum, quod invenies in dextra postquam à prænotato
balneo Juncaræ per 400 passus, rectam per viam processisti. Ejus aquæ lavatio caput, stomachum
renes, cæteraque membra recreat, fugat nebulam oculorum, consumptos, ac debelitatos reficit,
materiam quartanæ continuæ, & quotidianæ destruit, ex doloribus à quocumque morbo, vel febre
procedentibus liberat; hanc aquam adeo salubrem experiebant Neapolitani, ut ibi crederent esse Deum.
Septimum est balneum Petræ, quod post passus 23. post Balneorum in eadem via in sinistra invenies in
subjecto littore sub crypta. Hujus aquæ lavatio scabiem mundat, petram frangit, urinam provocat, renes
mundat, arenulas educit, caput à doloribus liberat, detergit ab oculis maculas, auditum auribus præstat,
& sonitum removet, cordi, & thoraci medetur, ac potus ejus calidus ventrem purgat.
Octavum est balneum Calaturæ, quod à balneo Petræ per 20. passus procedendo in dextra invenies.
Hujus unda faciem tergit, morphæam, & turpes notas removet, cor lætificat, mentem firmat, stomacum
roborat, crapulas præteritas digerit, appetitum promovet, tussim abigit, pulmoni levamen præstat,
providetque ne phthisis ex tussi parata procedat.
Nonum est balneum Subveni homini, quod per viam procedendo, sub ponte in fine rupis Olibani, erecto,
propè Puteolos reperies. Il[114]lius aqua animi tristitiam, & defectum stomachi aufert, appetitum
concitat, pulmonis, jecoris, splenis, & ventri tumidi onus levat, vocem claram facit, antiquæ podagræ
dat requiem, & omnem speciem doloris tollit, excellentior tamen ejus operatio in debilitatorum
membrorum instauratione viget.
29 Editio princeps: Pureolos.
30 Editio princeps: extermiuat.
31 Editio princeps: Balneolum.
46