Di Napoli il seno cratero esposto agli occhi et alla mente de' curiosi

Decimum est balneum S. Mariæ, quod 50 passus ultra Lucrinum in via; quæ ducit ad Avernum,
excavando scaturit; ejus aqua hepar juvat, à nimia frigiditate, ac rheumate absolvit, oculos ab
opthalmia servat, stomachum juvat, somnum inducit.
Undecimum est balneum S. Crucis, cujus aqua in valle profunda, quæ à dextra remanet, dum in
Avernum descenditur, scaturit; à podagra mirificè liberat, juncturas, nervosque sanat, phlegma in eis
imbibitum expellit, tumorem jecoris solvit, hypocondriacis prodest.
Duodecimum est Balneum Subcellarium à parte sinistra antiqui, & ingentis edificii propè lacum averni
fluens, pulmoni, jecori, spleni, & stomaco medetur, 37 pigras febres tollit, urinas retentas solvit, cutis
vitia omnia curat, capillos prolixos facit.
Decimumtertium est balneum ferri, ab altera [118] parte dicti antiqui edificii manans, quoscumque
capitis dolores curat, ab oculis sanguinem, omnemque labem abstergit, auribus præstat auditum,
sonitumque aufert.
Decimumquartum est balneum Cryptæ palumbariæ, seù Sybillæ in altera lacus averni parte, ejus aqua
caput, & renes sanat, urinæ meatus aperit, nebulas ab oculis, & vento ab auribus fugat, passiones
stomachi, & cordis expellit.
Decimumquintum est balneum Silvianæ, quod ab Averno versum sudatorium Trituli venientibus primum
occurrit, uteros ab humore expurgat, ab infirmitatibus sanat, menstrua, vel deficientia, vel superflua, ad
legem reducit, steriles fœcundat.
Decimumsextum est balneum Tritoli 50. passus post illud Silvianæ, & immediatè ante ascensum ad
Sudatorium, hoc rheuma fugat, caput, & stomachum confortat, podagram curat, hydropicos liberat,
prohibet febres, & omnium Balneorum vices supplere potest.
Decimumseptimum est Balneum S. Georgii primum, sub ascensu, ad sudatorium positum ejus aqua
lapidem frangit, & eiicit, urinam provocat, frantem, brachia, manus, coxendicem, & pedes à doloribus
tuetur, & podagra succurrit.
Decimumoctavum est balneum Pugilli, secundum sub ascensu ad Sudatorium positum, anpondus tollit,
attenuat hydropicos, caput, & splenem à doloribus liberat, à febribus curat, frigoribus sanat, debiles
confortat, & consumpta membra restituit.
Decimumnonum est Sudatorium Tritoli in [119] monte excavatum, quod humores evacuat, caput, &
stomacum liberat, à rheumate 38 curat, plegma excutit, corpus allevat, hydropicis, & podagricis confert.
Vigesimum est balneum petrolei, in quod, dum exis in viam novam, per sudatorium ad aperturam
descenditur, ibi sudatorium, & balneum reperies, quod omnes cutis maculas curat, cor exhilarat, grossa
membra subtiliar, artus mirabilitèr roborat.
37 Editio princeps: medetnr.
38 Editio princeps: rhenmate.
49