Di Napoli il seno cratero esposto agli occhi et alla mente de' curiosi

Salubritatem sitientes,
Ad has aquas trans Puteolos manentes accurrite
Quarum virtutes in substrato lapide contracte,
In volumine thermologiæ Aragoniæ,
[116] Neapoli impresso A.D. M.DC.LXIIX.
Plenius leguntur.
Primum Balneum est Cantarelli propè tres Columnas positum, ejus aqua ulcera, & fistulas curat,
catarros siccat, fluxus sanguinis sistit, prodest arthitridi, ferrum infixum, & ossa fracta deducit,
fungiturque in omnibus chirurgi munus.
Secundum balneum est Fontanæ ad latus Cantarelli, causat somnum, ventrem lenit, lac multiplicat,
infantes soporosos facit, nauseam stomachi removet, indurata mollificat, renes purgat, 33 educit
arenulas, aperit vessicas.
Tertium balneum est Ciceronis, seu Prati, restitutum in radicibus montis novi, propè litus sub via, ejus
aqua lipposis oculis confert, eorum ulcera tergit, ab humoribus corpus allevat, & toti corpori subvenit.
Sequentia balnea usque ad subcellarium sub monte novo sepulta remansere, notantur tamen eorũ venæ,
quibus ejusdem 34 efficaciæ balnea, quæ extant in Tritolino, & Baiis substitui tutè possunt.
Quartum 35 est balneum Tripergulæ, quod in littore 40. passus ultra illud prati, fluit, hujus aqua aufert
mentis defectum, cor exhilarat, allevat corpus, stomachi varios dolores arcet, pedum gravitatem
removet, membrorum onera discutit.
Quintum est balneum Arcus, quod 36 50. passus ultra illud Tripergulæ, in eodem littore manat, ejus unda
consumpta corpora restituit, stomachum confortat, visceribus confert esiccatis, non autem tumidis.
Sextum est balneum Raynerii, quod 30. passus [117] ultra illud Arcus, adhuc in littore fluit, scabiem,
impetiginem, & serpiginem sanat, putridum corpus mundat, cutim renovat.
Septimum est balneum S. Nicolai, quod 40. passus post illud Raynerii in eodem littore scaturit, hoc
debiles fovet, & vires reparat.
Octavum est Balneum Schrophæ, quod ubi desinit mons novus, & incipit lucrini plaga, in littore manat,
prestat eosdem, ac Raynerius effectus.
Nonum est balneum S. Luciæ, quod inter Lucrinum, & Montis novi radices, excavando invenies; aquam
dolorem apitis, & junctarum aufert, oculorum suffusiones recentes, & nebulas destruit, auditum
præstat, & sonitum removet.
33 Editio princeps: pnrgat.
34 Editio princeps: einsdem.
35 Editio princeps: Quartnm.
36 Editio princeps: qood.
48