Di Napoli il seno cratero esposto agli occhi et alla mente de' curiosi

Quartum est balneum fontis Episcopi, quod in maxima antiqua Therma positum est 50. passus post
Gibborosi à dextra, dum per littus ultra pergis; ejus aqua multùm confert podagricis, & cunctis
doloribus juncturarum.
Quintum est balneum de Fatis, quod procedendo per littus, post 50. passus à Fon[121]te Episcopi à
dextra invenies intus magnam & antiquam Thermam; ejus aqua roborat, stomachum, appetitum
provocat, nauseam removet, podagricis confert, præ omnibus aliis aquis ferrum absconsum extrahit,
omnia membra exhilerat, & scabiem illicò mundat.
Sextum est balneum Braculæ, quod invenies à dextra sub monte post magnum illud antiquum ædificium,
quod vocant Truglio, ejus aqua subtiliat fauces, raucam vocem clarificat, quemcumque capitis dolorem
removet, caliginem oculorum tollit, spleni, & jecori medetur quartanam, tertianam, & erraticas febres
extinguit.
Septimum est balneum Speluncæ, quod invenies, dum à Balneo Braculæ recta procedis per 40. passus,
nam tres invenies amplissimos fornices, quorum aqua rheuma, & tussim sanat, hydropisim fugat,
accidentia cujuscũque guttæ removet, confortat cerebrum, & ejus potus calidus omnes hypocondriorum
morbos curat.
Octavum est balneum Feniculi, quod invenies in radicibus montis Miseni, in medio unius, & alterius
maris positum, ejus aqua lipposos oculos abstergit, eorum ulcera sanat, maculas delet, visum acuit, &
clarificat.
TAVOLA [XIII]: “Veduta della città e fortezza d’Isca, e parte dell’isola. All’eccellentissimo signor don Nicolò d’Avolos principe di
Montesarchio”.
51