beskrywing van gesondheidsorgdiens wat aan miv-blootgestelde

kan word (Burns & Grove, 2007:240). Beskrywende navorsing stel die navorser in
staat om die frekwensie waarmee „n fenomeen voorkom, te bepaal en dan die
inligting te kategoriseer om sodoende „n beskrywing van die situasie te kan gee
(Burns & Grove, 2009:25; Sousa et al.,2007:503; Babbie & Mouton, 2001:81). „n
Voordeel van hierdie soort navorsing is dat dit gebruik kan word om kennis vanuit
situasies, waar dit oneties sou wees om veranderlikes te manipuleer, te genereer. Die
nadeel wat hieruit voortspruit, is dat die afwesigheid van ekperimentele beheer dit
moeilik maak om die oorsaak van sekere waarnemings te bepaal (Brink, 2006:102).
Die navorser van hierdie studie wou „n beskrywing gee van die gesondheidsorgdiens
wat deur professionele verpleegkundiges by publieke gesondheidsorgfasiliteite in die
Vrystaat aan MIV-blootgestelde/-positiewe kinders gelewer word. Die doel was nie
om oorsaak en gevolg te bepaal nie, en aangesien dit nie nodig was om
veranderlikes te manipuleer ten einde die navorsingsprobleem te beantwoord nie,
was die kwantitatiewe beskrywende ontwerp die mees geskikte navorsingsontwerp vir
die studie.
3.3 NAVORSINGSVERLOOP
Die navorsingsverloop van die studie word skematies in Figuur 3.1 voorgestel. Die
studie was oor „n tydperk van ongeveer twee jaar gedoen. Met uitsondering van die
literatuurstudie en die identifisering van 'n navorsingsprobleem, word elke aspek
breedvoerig in die res van die hoofstuk bespreek.
86