beskrywing van gesondheidsorgdiens wat aan miv-blootgestelde

orsvoeding in sommige gemeenskappe as „n skande beskou word, in berekening
gebring word (Kanabus, Fredrikson-Bass & Noble, 2007: Intyds; Chopra, Doherty,
Jackson & Ashworth, 2005:359). Die inname van gekontamineerde water, vloei-
stowwe en voedsel kan lei tot die beskadiging van 'n baba se gastroïntestinale
wande met gevolglike versteuring van die immuunskanse. Die risiko dat bakterieë
en ander kontaminante soos die MI-virus deur die beskadigde ingewande in die
bloedstroom kan beland, is dus groter (Kanabus, 2006: Intyds).
Bykomende risikofaktore wat virusoordrag gedurende die borsvoedingstydperk
beïnvloed, is „n vitamien A-gebrek by moeder of baba, ongesonde borste as
gevolg van mastitis, stukkende, bloeiende tepels of bors-absesse, en
siektetoestande soos orale sproei of gastroënteritis by die baba (Van Dyk,
2008:43; Downs & Cooper, 2007:29).
Die doel van die vierde fase in die PMTCT-program is die vermindering van
risikofaktore vir MIV-oordrag gedurende die postpartum tydperk (SA. DvG,
2008:20). Die aksieplanne wat spesifiek met die versorging van MIV-
blootgestelde/-positiewe kinders gedurende hierdie tydperk verband hou, word
vervolgens bespreek.
MIV-diagnose teen die ouderdom van ses weke
MIV-blootgestelde babas se MIV-status behoort ingevolge die PMTCT-program,
asook DvG MIV-kinderriglyne, reeds vanaf die ouderdom van ses weke vasgestel
te word (SA. DvG, 2008:20; SA. DvG, 2005:14). Een van die redes hiervoor is dat
vroeë identifisering daartoe kan lei dat MIV-positiewe babas tydige toegang tot
behandeling kan bekom (Luo et al., 2007:186). Hoewel babas en kinders ook op
grond van verskeie kliniese kriteria gediagnoseer kan word, benodig hulle egter
steeds „n bevestigende, diagnostiese bloedtoets. Laasgenoemde tussentrede is
noodsaaklik omdat daar bevind is dat verskeie kliniese diagnostiese algoritmes nie
optimaal by kinders onder die ouderdom van 12 maande toegepas word nie
(Rabie et al., 2006:34; Jones, Sherman & Coovadia, 2005:559). Die soort
bloedtoets wat normaalweg vir die bepaling van sesweek-oue babas se MIV-
status gebruik word, is die Polymerase Chain Reaction (PCR-tegniek). Dit word
vervolgens kortliks bespreek.
55