beskrywing van gesondheidsorgdiens wat aan miv-blootgestelde

Mouton, 2001:522). Die blootstelling aan enige ander ernstige risiko‟s verbonde aan
deelname sou toevallig wees en nie bedoeld nie.
Die derde basiese etiese beginsel is dié van regverdigheid en die toepassing daarvan
op die deelnemers van hierdie studie word vervolgens bespreek.
3.11.3 Die beginsel van regverdigheid
Afgesien van „n persoon se reg op privaatheid, sluit hierdie beginsel die deelnemer se
reg tot regverdige behandeling in en behels dat die navorser eerlik, onpartydig en
hoflik teenoor alle deelnemers sal optree (Polit & Beck, 2004:149). Aangesien die
steekproef van hierdie studie gestratifiseerd, ewekansig en proporsioneel deur middel
van „n rekenaar bepaal is, het die navorser nie beheer oor die spesifieke fasiliteite wat
in die studie ingesluit was, en dus die persone wat aan die studie sou deelneem,
gehad nie (Burns & Grove, 2009:198). By die fasiliteite het die navorser/veldwerkers
van gerieflikheidstrekking gebruik gemaak om deelname deur PV‟s, wat aan die
insluitingskriteria voldoen het, te bepaal. Voor deelname was PV‟s bewus gemaak
van die navorser/veldwerkers se rol, asook wat die PV se deelname behels.
Verder strek die bekendmaking van studieresultate tot voordeel van deelnemers,
aangesien bevindinge kan bydra tot beter begrip met betrekking tot die studie-
onderwerp. Die navorser het onderneem om na afloop van die studie die resultate
aan diegene, wat spesifiek daarvoor gevra het, bekend te maak (Polit & Beck,
2004:149).
Behalwe die toepassing van die etiese beginsels op die deelnemers van die studie,
beskou die navorser die wetenskaplike integriteit en kundigheid van die navorser, die
etiese geldigheid van die studie en die etiese beginsels met betrekking tot instansies,
as noodsaaklike komponente van 'n aanvaarbare navorsingsproses. Die wyse
waarop hierdie komponente op die studie toegepas is, word vervolgens bespreek.
125