beskrywing van gesondheidsorgdiens wat aan miv-blootgestelde

'n Volgende belangrike behandelingskomponent is voorligting aan MIV-geaffekteerde
moeders en kinders wat oud genoeg is daarvoor. In die volgende afdeling van die
hoofstuk gee die navorser die resultate met betrekking tot hierdie diens weer.
4.3.6 Voorligting aan kinders/primêre versorgers ten opsigte van
MIV
Pediatriese MIV-infeksie beïnvloed nie net die kind alleen nie, maar ook die gesin
waarin die kind hom-/haarself bevind. Die hantering van 'n MIV-blootgestelde/-
positiewe kind is gevolglik gekoppel aan 'n gesinsbenadering waarvan voorligting ten
opsigte van mediese, sosiale en emosionele behoeftes van die hele gesin, 'n
belangrike komponent is. Hierdie benadering optimaliseer die welstand van die ouers
en dit beïnvloed gevolglik die kind se versorging en ontwikkeling (Eley in Kibel et al.,
2007:334).
Die doel van MIV-voorligting is om die geïnfekteerde persoon te help om nie net bloot
as 'n gevangene van die siekte te oorleef nie, maar om te fokus op 'n lewe wat
aangaan ten spyte van die siekte (Van Dyk, 2008:220). Die resultate met betrekking
tot hierdie belangrike komponent in die behandeling van MIV-blootgestelde/-positiewe
kinders word vervolgens bespreek.
TABEL 4.5: Voorligting aan MIV-positiewe kinders of hul primêre versorgers
Voorligting aan MIV-positiewe kinders of hul primêre
versorgers
167
Hospitaal PGS/GGS
n=40
n=117
f % f %
Voorligting word by fasiliteit aangebied 23 58 102 87
Voorligting deur MIV-berader aangebied 35 87 114 97
Voorligting deur PV aangebied 26 65 97 83
Tabel 4.5 illustreer dat slegs 58% PV's by hospitale aangedui het dat MIV-voorligting
aangebied word. Hierdie waarneming kan dalk gedeeltelik toegeskryf word aan die
afwesigheid van jong kinders se primêre versorgers tydens hospitalisasie, en dat daar
dus nie 'n volwasse persoon vir voorligting teenwoordig is nie. In hierdie verband het