beskrywing van gesondheidsorgdiens wat aan miv-blootgestelde

lewering van gesondheidsorg aan MIV-blootgestelde/-positiewe kinders in die
Vrystaat. Data is eerlik weergegee. Enige foute is toevallig en nie doelbewus nie.
3.11.5 Etiese geldigheid van die studie
Dit is „n navorser se verantwoordelikheid om „n navorsingsvoorstel aan „n
Etiekkomitee vir evaluering voor te lê voordat daar met die implementering van die
studie begin word (Polit & Beck, 2004:156). Hierdie proses beskerm onder andere die
navorser, asook die regte en veiligheid van deelnemers aan die studie (Long &
Johnson, 2007:123; Brink, 2006:41, 42). Die navorsingsvoorstel was aan die
Etiekkomitee van die Fakulteit Gesondheidswetenskappe van die Universiteit van die
Vrystaat voorgelê en goedgekeur (kyk Bylae C).
3.11.6 Etiese beginsels met betrekking tot die instansie
Volgens Brink in Pera & Van Tonder (2005:154) moet toestemming vanaf die
outoriteit in beheer van die instansie(s) waar die navorsing uitgevoer gaan word, voor
die aanvang van navorsing verkry word. Dieselfde etiese beginsels met betrekking tot
die deelnemers sal vir die instansie geld (Pera & Van Tonder, 2005:154). Die
voorgenome studie is ná klaring deur die Etiekkomitee aan die Vrystaatse DvG
voorgehou. Ná kundige oorweging is toestemming tot navorsing in publieke
gesondheidsorgfasiliteite deur die hoof van die Vrystaatse DvG verskaf (kyk Bylae B).
3.12 OPSOMMING
Die doel van hierdie hoofstuk was om die navorsingsmetodologie wat deur die
navorser gevolg is, uiteen te sit. Die navorser het gepoog om te motiveer waarom die
gekose navorsingsontwerp en -tegnieke toepaslik vir gebruik in hierdie studie is. „n
Volledige bespreking met betrekking tot die teikenpopulasie en steekproef is
onderneem. „n Skematiese voorstelling van die dataversamelingsproses is
voorafgegaan deur „n bespreking van beginsels wat op die loodsondersoek
127