beskrywing van gesondheidsorgdiens wat aan miv-blootgestelde

internasionale gebeurtenisse. Na die eerste demokratiese verkiesing in 1994 het
daar, onder leiding van die African National Congress (ANC), „n transformasie-
proses in die gesondheidsorgsektor begin plaasvind. Een van die redes wat die
hervorming van gesondheidsorg genoodsaak het, was die veelvuldige fragmen-
tasie van die destydse gesondheidsorgsisteem wat gekenmerk was deur oog-
lopende tekortkominge ten opsigte van koördinering en die integrasie tussen
dienste. Die resultaat hiervan was die afwesigheid van „n unitêre gesondheid-
sorgsisteem (Van Rensburg & Pelser in Van Rensburg et al., 2004:110, 111).
In „n poging om bogenoemde uitdagings aan te spreek, het die nuwe regering
verskeie dokumente, beleidsrigtings en wetgewing begin saamstel. Dit was nodig
omdat die eertydse gesondheidsorgsisteem op siekte, in plaas van gesondheid,
en op genesing in plaas van voorkoming, gefokus het (Atkins & Chopra in Zwie-
genthal, Puoane, Reynolds, London, Coetzee, Alperstein, Duncan, Atkins,
Loveday, Hutchings, Geiger, Petersen & Ferguson, 2009:54). Die belangrikste van
hierdie vroeë dokumente was die Heropbou- en Ontwikkelingsprogram en die
„Annual National Health Plan‟. Hierdie planne het, saam met met die Grondwet
van Suid-Afrika, asook die Handves van Menseregte, verreikende herorganisering
van gesondheidsorg teweeggebring. Veranderinge wat onder andere begin
plaasvind het, was die oprigting van talle nuwe primêre gesondheidsorgklinieke,
die gratis verskaffing van gesondheidsorg aan moeders en kinders onder vyfjarige
ouderdom, en die ontwikkeling van uitgebreide voedselprogramme wat veral
kinders geteiken het (Benetar, 2004:81).
In „n poging om gefragmenteerde dienslewering, sowel as ontoeganklikheid van
noodsaaklike dienste te verminder, het die regering gedurende 1997 die
sogenaamde „Whitepaper on the Transformation of the Health System in South
Africa‟, „n dokument wat veral die lewering van geïntegreerde en omvattende
gesondheidsorg aan die publiek ondersteun, die lig laat sien (SA. DvG, 1997:14,
28). Dit was „n belangrike wending aangesien „n gebrek aan integrasie tussen
gesondheidsorgprogramme gefragmenteerde dienslewering tot gevolg het, wat op
sy beurt die kwaliteit en kontinuïteit van sorg, negatief kan beïnvloed (Baum,
2007:36; Kerber, De Graft-Johnson, Bhutta, Okong, Stars & Lawn, 2007:1359).
24