beskrywing van gesondheidsorgdiens wat aan miv-blootgestelde

2.4.2.1.1 Primêre voorkoming van MIV en vertikale oordrag
Die eerste fase van die PMTCT-program behels die primêre voorkoming van MIV
en vertikale oordrag. Die fokus is op die vermindering van MIV-prevalensie onder
vroue in hulle vrugbare jare en sluit onder andere bewusmakingsveldtogte teen
ongewenste swangerskappe in. Die doelwitte van fase een val buite die bestek
van hierdie studie en word dus nie hier bespreek nie (SA. DvG, 2008:16).
Ten einde te beskryf op watter wyse die implementering van die PMTCT-program
dienslewering aan MIV-blootgestelde/-positiewe kinders beïnvloed, word die
risikofaktore vir MIV-oordrag en die aksieplanne wat in fases twee tot vier deur die
program voorgeskryf word, en met die versorging van moeders en/of hul kinders
verband hou, vervolgens uiteengesit.
2.4.2.1.2 Voorgeboortelike versorging van die MIV-positiewe
swanger vrou
Fase twee van die PMTCT-program behels die voorgeboortelike versorging van
die MIV-positiewe swanger vrou. Na beraming is daar 'n 30% risiko dat 'n fetus in-
utero MIV-geïnfekteerd kan raak as gevolg van virusoordrag via die plasenta van
'n MIV-positiewe moeder (Eley in Kibel et al., 2007:329). Ten spyte van toe-
nemende kennis ten opsigte van vertikale oordrag en gevolglike voorkomings-
strategieë, neem die aantal nuwe pediatriese MIV-infeksies egter jaarliks toe.
Volgens Hoffmann et al. (2007: Intyds) kan dit onder andere toegeskryf word aan
die feit dat moeders se MIV-status onbekend is, met gevolglik onvoldoende of
geen profilaktiese ART vir die moeder tydens swangerskap nie.
Die risikofaktore vir vertikale MIV-oordrag tydens swangerskap hou verband met
die moeder se virale lading, CD4-telling, moederlike infeksies en die versuim om
ART aan die moeder toe te dien. Hierdie aspekte word hieronder bespreek.
48