beskrywing van gesondheidsorgdiens wat aan miv-blootgestelde

Grove, 2009:189; Babbie & Mouton, 2001:520). Die menseregte wat spesifiek op die
deelnemers aan navorsing van toepassing is, is die reg tot selfbeskikking, privaat-
heid, anonimiteit en vertroulikheid, regverdige behandeling en beskerming teen
ongemak en skade (Burns & Grove, 2009:189-198). Afgesien van die menseregte
wat beskerm moet word, is dit die navorser se verantwoordelikheid om ingeligte
toestemming vanaf deelnemers te verkry voordat hulle aan die navorsing deelneem
(Burns & Grove, 2009:201). Die onderskeie menseregte wat verband hou met die
etiese beginsel van outonomie en die wyse waarop dit op hierdie studie toegepas is,
word vervolgens bespreek.
3.11.1.1 Reg tot selfbeskikking
Die reg tot selfbeskikking is gebasseer op die etiese beginsel van outonomie en
behels dat enige persoon die reg het om self besluite oor aspekte, wat sy/haar lewe
kan beïnvloed, te neem sonder om op enige wyse tydens die proses gemanipuleer te
word (Burns & Grove, 2009:189; Pera & Van Tonder, 2005:32). Hiervolgens kan „n
persoon vrywillig besluit of hy/sy aan navorsing wil deelneem en behou die reg om op
enige stadium aan „n studie te onttrek sonder om enige straf te verwag (Long &
Johnson, 2007:10; Polit & Beck, 2006:89; Babbie & Mouton, 2001:521). Die
navorser/veldwerker het elke deelnemer vooraf oor die studie ingelig en hulle
toegelaat om self te besluit of hulle wil deelneem al dan nie. Hierbenewens was die
deelnemer se reg om op enige stadium aan die studie te onttrek aan hom/haar
verduidelik en gerespekteer. Selfbeskikking kan egter slegs geskied indien die
persoon oor voldoende inligting beskik om „n weldeurdagte besluit te kan neem en
word vervolgens bespreek.
3.11.1.2 Reg tot inligting
Fundamenteel tot die beginsel van outonomie is „n persoon se reg tot inligting, en
behels dat „n persoon volledig ingelig moet word ten opsigte van die risiko‟s en
voordele van „n studie (Medical Research Council, [s.j.]:13; Pera & Van Tonder, 2005:
122