beskrywing van gesondheidsorgdiens wat aan miv-blootgestelde

32, 46, 152-154). Die navorser van hierdie studie was nie bewus van enige risiko‟s
verbonde aan deelname nie. Die voordele van deelname is dat die inligting wat
ingewin word, moontlik ten opsigte van die bevordering van verpleegpraktyk gebruik
kan word. Die navorser het „n dekbrief wat die doel van die navorsing,
verantwoordelikhede, voordele en moontlike risiko‟s van deelname beskryf het,
geformuleer (kyk Bylae D). Die dekbrief was voor onderhoudvoering aan elke
deelnemer gegee waarna hulle 'n kans gegun was om dit deur te lees en die inhoud
te oordink. Behalwe hierdie intervensie het die navorser/veldwerkers die navorsing
mondeliks aan elke potensiële deelnemer verduidelik. Deelnemers is die geleentheid
gegun om vrae te vra indien nodig. Aangesien die navorsing in „n multikulturele
konteks uitgevoer is, is die dekbrief in Afrikaans en Engels beskikbaar gestel. Die
navorser wou hierdeur verseker dat die deelnemer verstaan wat deelname behels en
het terselfdertyd ook respek vir deelnemers se kultuur getoon (De Vos et al., 2005:59;
Polit & Beck, 2004:149).
3.11.1.3 Reg tot anonimiteit en vertroulikheid
Bykomend tot deelnemers se reg tot anonimiteit, wat beteken dat die deelnemer na
afloop van die studie nie geïdentifiseer kan word nie, het hulle die reg om aan te
neem dat die inligting wat deur hulle verskaf word, vertroulik hanteer sal word (Burns
& Grove, 2007:212). Laasgenoemde reg word beskerm deurdat die navorser
onderneem het om hierdie inligting slegs met toestemming van die deelnemer vir
navorsingsdoeleindes bekend te maak (Burns & Grove, 2007:212). Die handhawing
van vertroulikheid verseker gelyktydig dat „n deelnemer se reg tot anonimiteit
beskerm word (Pera & Van Tonder, 2005:154). Bykomend hiertoe verseker
anonimiteit dat „n persoon se reg op uitbuiting beskerm word omdat die inligting wat
hy/sy verskaf nie teen hom/haar gebruik kan word nie (Polit & Beck, 2004:145). Die
navorser het op geen stadium die name of handtekeninge van PV‟s vereis nie.
Vraelyste was genommer en die enigste identifiseerbare inligting wat op „n vraelys
verskyn het, was die naam van die distrik en soort fasiliteit waar die onderhoud
gevoer was. Hierdie inligting was belangrik omdat dit verband hou met die ontleding
123