beskrywing van gesondheidsorgdiens wat aan miv-blootgestelde

fasiliteite gestruktureerde onderhoude te voer. Vir die doel van hierdie studie was die
geselekteerde persone PV‟s wat 'n gesondheidsorgdiens aan kinders lewer. Die
insluitingskriteria vir deelname aan die studie asook die metode wat gebruik was om
te bepaal hoeveel onderhoude gevoer moes word, word vervolgens bespreek.
3.6.1 Insluitingskriteria
Navorsers gebruik insluitingskriteria om te bepaal of deelnemers of objekte vanuit die
populasie oor die nodige karaktereienskappe beskik alvorens hulle geselekteer word
om aan „n bepaalde studie deel te neem (Burns & Grove, 2009:344, 354; Polit &
Beck, 2004:290).
Insluitingskriteria vir die tipe gesondheidsorgfasiliteite was dat dit „n publieke
gesondheidsorgfasiliteit, wat gesondheidsorg aan kinders lewer, moes wees.
Aangesien al die publieke gesondheidsorgfasiliteite in die Vrystaat „n diens aan
kinders lewer, kon elkeen by die populasie ingesluit word. Die PV's wat deur die
navorser as deelnemers aan die studie geïdentifiseer is, moes aan verskeie
insluitingskriteria voldoen en hierdie kriteria word vervolgens genoem.
Dit was eerstens „n vereiste dat hierdie deelnemer „n basiese professionele
kwalifikasie in algemene verpleegkunde sou besit, hetsy ‟n graad of „n diploma.
Hierbenewens moes die deelnemer „n diens aan kinders lewer. Wat laasgenoemde
kriterium betref, het die navorser slegs daardie afdelings in hospitale waar daar wel „n
diens aan kinders gelewer word, geteiken. Dit het ingesluit: pediatriese sale/klinieke,
voorgeboorte sale, kraamsale en nageboorte sale. Alle primêre gesondheidsorg-
klinieke en gemeenskapsgesondheidsorgsentra lewer „n diens aan kinders en kon
dus sonder huiwering besoek word.
3.6.2 Seleksie van die aantal gestruktureerde onderhoude
Die totale aantal PV's wat in die Vrystaatse publieke gesondheidsorgfasiliteite
werksaam is, was voor die aanvang van die studie aan die navorser onbekend,
101