beskrywing van gesondheidsorgdiens wat aan miv-blootgestelde

aangebied word. Aangesien die belang van volledige voorligting reeds vroeër
bespreek is, word dit nie hier herhaal nie.
Sifting vir tuberkulose
Ingevolge die Suid-Afrikaanse TB-riglyne moet alle MIV-positiewe kinders
geroetineerd vir TB gesif word (SA. DvG, 2007f:58). Tans word die grootste aantal
persone, wat gelyktydig MIV en TB onder lede het, in sub-Sahara-streke gevind
(Denhill, 2009:16). Gevolglik word kinders toenemend aan TB blootgestel, en in
gevalle waar kinders MIV-positief is, verhoog dit diensooreenkomstig hul risiko om
met TB geïnfekteerd te raak (SA. DvG, 2005:24). Vanweë die immuun-onderdrukking
wat deur die MI-virus veroorsaak word, is MIV-positiewe kinders in die besonder
vatbaar vir primêre TB. Aangesien MIV-infeksie die hoofoorsaak vir die omskakeling
van TB-infeksie tot TB-siekte is, is TB die mees algemene opportunistiese infeksie in
MIV-positiewe volwassenes en kinders (Van Dyk, 2008:61).
Die DvG beveel aan dat 'n kind wat: (a) in kontak was met 'n volwassene wat TB
onder lede het, (b) vir langer as een week koors het, (c) 'n kroniese hoes het wat
langer as drie weke duur, en (d) duidelike gewigsverlies of stadige gewigtoename op
die kind se groeikaart toon, vir TB getoets moet word. Diagnostiese toetse sluit in die
tuberkulien toets, kweking van die Mycobacterium tuberculosis-organisme vanaf
gastriese- of nasofaringeale aspiraat en borskas radiografie.(SA. DvG, 2005: 42;
Donald & Schaaf in Kibel et al., 2007:401, 402).
Die diagnosering van TB in kinders is egter 'n proses wat deur die teenwoordigheid
van verskeie siektetoestande wat gelyktydig in die MIV-positiewe kind voorkom,
gekompliseer word. Die mees akkurate tuberkulientoets is die Mantoux-toets, maar
Van Dyk (2008:65) argumenteer dat dit nie noodwendig 'n betroubare aanwyser is vir
TB-diagnosering in areas waar TB algemeen voorkom nie. 'n Positiewe Mantoux-
toets dui wel aan dat 'n persoon in kontak met 'n TB pasiënt was, maar beteken nie
noodwendig dat die persoon aktiewe TB onderlede het nie. Dit is net so belangrik om
daarop te let dat 'n negatiewe Mantoux-toets nie die teenwoordigheid van TB in 'n
175