beskrywing van gesondheidsorgdiens wat aan miv-blootgestelde

nadelige gevolge vir kinders, wat ART benodig, inhou (SA. DvG, 2009:i). Dit kan
ook vir die versorgers te duur raak om tussen fasiliteite te pendel en hulle sal
gevolglik eerder tuis bly as om kinders vir behandeling te bring. Die ideaal is die
vroegtydige opsporing (onder andere deur middel van die PMTCT-program en
VCT-dienste) en behandeling van kinders met MIV sonder die heen-en-weer
verwysingspatroon wat tans ook in die Vrystaat gevolg word. Die ideaal is 'n “een-
stop-diens”, waar die MIV-blootgestelde/-positiewe kind en sy/haar versorger die
voordeel kan hê om noodsaaklike MIV-verwante dienste te ontvang, soos die
voorkoming van MIV, diagnosering van babas en kinders, voorligting met betrek-
king tot veilige voedingspraktyke, die voorsiening van ART, die behandeling van
opportunistiese infeksies en deurlopende opvolg (Feucht, Kinzer & Kruger,
2007:401).
Alhoewel ART-dienste in die Vrystaat hoofsaaklik op „n buitepasiënt-basis hanteer
word, is dit egter noodsaaklik dat ART-geakkrediteerde klinieke en gemeenskaps-
gesondheidsorgsentra toegang tot hospitaaldienste het. Komplekse behande-
lingsaangeleenthede soos veelvuldige diagnoses, newe-effekte/komplikasies van
ART, en ingewikkelde besluite rondom die inisiëring van ART, vereis soms dat
pasiënte na hoër sorgvlakke verwys moet word. Swak koördinering tussen hierdie
dienste kan ondoeltreffende versorging tot gevolg hê (Feucht et al., 2007:401).
2.4.2.4 Integrated Management of Childhood Illness
Die Integrated Management of Childhood Illness (IMCI) word eerder as „n
omvattende strategie as „n gesondheidsorgprogram/diens beskou. Die IMCI-
strategie was in 1990 deur die WGO en UNICEF ontwikkel met die fokus op
mense in lae-inkomste gebiede. Die aanvanklike doel van die strategie was die
vroeë identifisering en behandeling van algemene kindersiektes by primêre
gesondheidsorgdienste in „n poging om die mortaliteitsyfers van kinders jonger as
vyf jaar te verlaag. Sedert die implementering van die strategie is daar bevind dat
dit wel doeltreffend, asook koste-effektief is (Loening in Kibel et al., 2007:196, 198;
Qazi & Muhe, 2005:10). Belangrike gesondheidsaspekte wat deur middel van die
strategie aangespreek word, is immunisering, die monitor van groei, en kwessies
soos die implementering van optimale voedingsregimes (Shea in Kibel et al.,
2007:85).
63