beskrywing van gesondheidsorgdiens wat aan miv-blootgestelde

toediening van ART aan kinders, moet daar gewaak word dat daar nie van PV's
verwag word om take uit te voer waarvoor hulle nie deeglik opgelei is nie. Die
afwesigheid van geneeshere by baie van die PGS-klinieke vereis dus die opleiding
van die PV's wat daar diens lewer (Michaels et al., 2006:64).
Uit bevindinge in hierdie studie, ten opsigte van dienslewering, lei die navorser af dat
daar ten spyte van die feit dat slegs 34% PV's opleiding as 'n noodsaaklike faktor vir
diensverbetering beskou, daar meer aandag gegee kan word aan die opleiding van
PV's wat 'n diens aan kinders lewer.
Integrasie van dienste
'n Klein persentasie, naamlik 27% PV's, beskou die integrasie van dienste as 'n
noodsaaklikheid vir verbeterde dienslewering. Verder was daar slegs 11 PV's (7%)
wat aangedui het dat daar geen verbetering ten opsigte van huidige dienslewering
nodig is nie. Dit blyk dus dat slegs 7% PV's heeltemal tevrede is met die manier
waarop daar 'n diens aan MIV-blootgestelde/-positiewe kinders gelewer word. Die
navorser kom tot die gevolgtrekking dat die meeste ander PV's die huidige
dienslewering aan hierdie groep kinders nog nie as optimaal beskou nie, en/of
onseker is watter faktore tot diensverbetering sal bydra.
In hierdie hoofstuk het die navorser gepoog om die navorsingsbevindinge so akkuraat
as moontlik weer te gee. Enige foute in hierdie verband is insidenteel en nie bedoeld
nie. In die laaste hoofstuk van die studie bespreek die navorser tekortkominge met
betrekking tot die studie, en maak aanbevelings na aanleiding van die studieresultate.
189