beskrywing van gesondheidsorgdiens wat aan miv-blootgestelde

indien nodig. Figuur 4.1 toon aan dat slegs 31% van die PV‟s, met wie
gestruktureerde onderhoude by PGS/GGS gevoer is, hierdie kwalifikasie besit. Deur
hierdie bevinding word die mate van bekwame, omvattende sorg aan MIV-
blootgestelde/-positiewe kinders wat PGS/GGS besoek, bevraagteken.
Behalwe die na-basiese kwalifikasies in kinderverpleegkunde en primêre gesond-
heidsorg, kan PV‟s bykomende opleiding in die vorm van verskeie kort kursusse
ontvang. Aangesien die verskeie gesondheidsorgprogramme/strategieë, wat in
hoofstuk 2 bespreek is, noodsaaklike behandelingkomponente ten opsigte van
pediatriese MIV bevat, het die navorser probeer vasstel hoeveel PV‟s in die Vrystaat
opleiding met betrekking tot hierdie programme/strategieë ontvang het. In die
volgende afdeling van die hoofstuk word die resultate met betrekking tot die
persentasie PV‟s wat reeds ten opsigte van sodanige programme/strategieë
opleiding ontvang het, sowel as die implikasies wat die bevindinge op dienslewering
aan MIV-blootgestelde/-positiewe kind het, bespreek.
4.2.1.2 Bykomende opleidingsprogramme waarin professionele
verpleegkudiges in die Vrystaat onderrig is
Die Suid-Afrikaanse DvG het in reaksie op die belangrikheid van pediatriese MIV-
voorkoming en behandeling verskeie beleidsrigtinge, planne en programme op
nasionale sowel as provinsiale vlak aan gesondheidsorgfasiliteite beskikbaar gestel.
Die opleidingsprogramme wat komponente van pediatriese MIV insluit, en op hierdie
studie betrekking het, is:
Voorkoming van vertikale MIV-oordrag (PMTCT Training Programme);
Vrywillige berading en toetsing (Voluntary Councelling and Testing - HIV/AIDS
Training Course);
Omvattende MIV/VIGS (Comprehensive HIV/AIDS Care, Management and
Treatment Training Programme);
IMCI-opleiding (IMCI Case Management course);
137