beskrywing van gesondheidsorgdiens wat aan miv-blootgestelde

twee-honderd-en-dertig gevestigde primêre gesondheidsorgklinieke
waarvan PGS-klinieke, wat as ART-verwante fasiliteite beskou word, ingesluit
was.
In gevalle waar die teikenpopulasie te groot is om direk te bestudeer, selekteer
navorsers „n steekproef (Maree: 2007:5). In hierdie studie was dit onmoontlik om die
hele teikenpopulasie in te sluit en daarom het die navorser voortgegaan met die
seleksie van „n steekproef.
3.6 STEEKPROEF EN STEEKPROEFTREKKING
„n Steekproef is „n bepaalde aantal individue/objekte wat op „n spesifieke wyse vanuit
die teikenpopulasie geselekteer word en behoort die teikenpopulasie op so „n wyse te
verteenwoordig dat betekenisvolle resultate verkry sal word (Burns & Grove,
2009:721; Polit & Beck, 2004:291; Babbie & Mouton, 2001:100). Vir die doeleindes
van hierdie studie was die steekproef deur die verskeie soorte publieke gesondheid-
sorgfasiliteite (kyk Tabel 3.2) verteenwoordig. Ten einde „n verteenwoordigende
aantal steekproeffasiliteite vanuit die teikenpopulasie te selekteer, het die navorser
van steekproeftrekking gebruik gemaak. Steekproeftrekking verwys na die proses wat
gebruik word om „n gedeelte van die totale teikenpopulasie te selekteer wanneer dit
onmoontlik is om die hele populasie te ondersoek (Maree, 2007:5).
Die steekproefraamwerk van hierdie studie word vervolgens in Tabel 3.3 aangedui.
Die metode waarvolgens fasiliteite vanuit die teikenpopulasie geselekteer is, word
weergegee. Elke soort en totale aantal fasiliteite word per distrik gerangskik met die
steekproeftotaal en metode van steekproeftrekking (steekproefplan) daarlangsaan.
Die totale aantal steekproeffasiliteite was 92 en word onderaan Tabel 3.3 aangedui.
97