beskrywing van gesondheidsorgdiens wat aan miv-blootgestelde

2.5. UITDAGINGS TEN OPSIGTE VAN DIENSLEWERING AAN
MIV-BLOOTGESTELDE/-POSITIEWE KINDERS IN DIE
PUBLIEKE GESONDHEIDSORGSEKTOR
'n Gebrek aan effektiewe mediese en voorkomingstussentredes, hou verband met 'n
verhoogde risiko vir vertikale MIV-oordrag (SA. DvG, 2008:23; Little, Newell, Luo,
Ngongo, Borja & McDermott, 2007:608; SA. DvG, 2007b:30). Dit blyk dat die
voorkoms van vertikale MIV-oordrag in hoë-inkomste lande redelik beperk is. Dit kan
toegeskryf word aan effektiewe VCT-dienste, die beskikbaarheid van ARM, veilige
geboortepraktyke en die beskikbaarheid van veilige produkte wat borsmelk vervang
(Downs & Cooper, 2007:29; Kanabus & Noble, 2007: Intyds; De Boer, 2006: Intyds;
Michaels et al, 2006:5). Hierdie is egter die ideale situasie. Suid-Afrika is „n middel-
inkomste land en langtermyn uitdagings tot die genoemde praktyke is legio. Die land
is steeds in die proses om die PGS-infrastruktuur te versterk sodat versorging vanuit
die hospitale, na kwaliteit primêre gesondheidsorgdienste verskuif kan word, en
sodoende toegang tot omvattende dienste aan pasiënte te verbeter (SA. DvG,
2006:141).
Terwyl MIV/VIGS toenemende eise op gesondheidsorgdienste plaas, is daar
tegelykertyd „n afname in die gesondheidsorgdienste se vermoë om daaraan te
voorsien (Yu, Souteyrand, Banda, Kaufman & Perriëns, 2008: Intyds). Tans word
personeeltekorte as die oorwegendste struikelblok vir „n suksesvolle Suid-Afrikaanse
VIGS-strategie geïdentifiseer (Wouters, Heunis, Van Rensburg & Meulemans, 2008:
Intyds). Die uitdagings wat met effektiewe dienslewering aan MIV-blootgestelde/-
positiewe kinders verband hou, sluit menslike hulpbronne, die implementering van die
PMTCT-program, voorsiening van ART aan MIV-positiewe kinders en kinders se reg
tot omvattende sorg. Dit word vervolgens bespreek.
2.5.1 Menslike hulpbronne
Hoewel personeeltekorte effektiewe dienslewering aan MIV-blootgestelde/-positiewe
kinders negatief kan beïnvloed, is dit egter die tekort aan kundigheid wat veral
tussentredes soos voorkoming, behandeling en deurlopende sorg bedreig (SA. DvG,
76