beskrywing van gesondheidsorgdiens wat aan miv-blootgestelde

tegnieke van onderhoudvoering;
die belang van deeglike kennis en begrip van die vraelysinhoud;
akkurate dokumentering van response; en
etiese beginsels in navorsing.
Die doel van die opleiding het verder gedien dat die veldwerkers deeglike kennis van
die projek, en doelwitte daarvan, sal hê (De Vos et al., 2005:287). Die aspekte wat
tydens die eerste twee opleidingsessies met die veldwerkers bespreek is, word
vervolgens bespreek.
3.7.1.1 Tegnieke van onderhoudvoering
As gevolg van die interaktiewe aard van onderhoudvoering is deeglike opleiding ten
opsigte van die tegnieke, wat tydens die onderhoud gebruik moet word, onontbeerlik.
Die rede hiervoor is dat onbevoegde implementering van onderhoudtegnieke tot
onakkurate en gevolglik onbruikbare data kan lei (De Vos et al., 2005:287).
In „n poging om te verseker dat die teenwoordigheid van die onderhoudvoerder nie
die deelnemer se interpretasie van die vraag of die antwoord sal beïnvloed nie, stel
Babbie en Mouton (2001:251) voor dat die karaktereienskappe van die onderhoud-
voerder soveel as moontlik met dié van die deelnemer sal ooreenstem. Volgens die
skrywers is kenmerke wat hiertoe kan bydra onder andere die onderhoudvoerder se
vermoë om die deelnemer se huistaal te kan praat, en dat daar sekere etniese
ooreenkomste tussen onderhoudvoerder en deelnemer sal wees. Aangesien hierdie
studie in „n multikulturele konteks uitgevoer is, het die navorser gepoog om
veldwerkers, wat bogenoemde kenmerke besit, te kies. Al vyf die gekose veldwerkers
was Suid-Sotho en Engels magtig. Twee van die vyf was ook Afrikaans magtig terwyl
die navorser Engels en Afrikaans magtig is. Hierbenewens was die vraelyste in
Engels en Afrikaans beskikbaar en het daartoe bygedra dat onderhoude in „n taal,
wat vir die deelnemer gemaklik sou wees, gevoer kon word. Die veldwerkers was
104