beskrywing van gesondheidsorgdiens wat aan miv-blootgestelde

vertikale oordrag geassosieer (Van Dyk, 2008:43; Woods & Eley, 2008:18; Eley in
Kibel et al., 2007:330).
Die doel van die derde fase in die PMTCT-program hou verband met 'n risiko
vermindering van MIV-oordrag aan die baba tydens baring en die tydperk
onmiddellik ná verlossing (SA. DvG, 2008:18). Die aksieplanne wat ter bereiking
van hierdie doel voorgeskryf is, word vervolgens bespreek.
Bepaling van die vrou se MIV-status en toediening van antiretrovirale terapie
Indien „n vrou in die latente fase van baring verkeer, en haar MIV-status onbekend
is, moet vrywillige berading en MIV-toetsing vir haar aangebied word. Indien dit
egter bekend is dat sy MIV-positief is, is die aanbeveling dat sy „n enkeldosis
Nevirapine gedurende die eerste stadium van baring sal ontvang (SA. DvG,
2008:18, 41; Kanabus, 2006: Intyds). In gevalle waar die MIV-diagnose net voor
baring vasgestel is, of indien daar „n traumatiese verlossing was, kan die gebruik
van AZT in kombinasie met Nevirapine haar viruslading selfs verder verlaag
(Hoffmann et al., 2007: Intyds). Die pasgebore baba van hierdie moeder behoort
ook binne ses tot 72 uur na die geboorte „n dosis Nevirapine te ontvang (SA. DvG,
2008:44). Die moeder en kind behoort vir tot en met ses weke by die
gesondheidsorgfasiliteit opgevolg te word. Daarna besoek die baba „n PGS-kliniek
en ontvang behandeling volgens die riglyne wat in die IMCI-strategie vervat is (SA.
DvG, 2008:48).
Vermyding van indringende geboortepraktyke
Kunsmatige ruptuur van „n MIV-positiewe vrou se membrane behoort slegs
gedoen te word indien daar spesifieke verloskundige indikasies daarvoor is en dan
ook so laat as moontlik. Suiging van die pasgebore baba se neus en mond
behoort versigtig uitgevoer te word om beskadiging van die slymvliese, en dus
kontak met moederlike vloeistowwe en oordrag van die MI-virus, te beperk (SA.
DvG, 2008:18; Van Dyk, 2008:43, 45; Rabie et al., 2006:33).
53