beskrywing van gesondheidsorgdiens wat aan miv-blootgestelde

siektes (Madhi, Saloojee & Schoub in Kibel et al., 2007:125). Die teikenpopulasie is
kinders tot en met sesjarige ouderdom. Immuniseringsdienste word by alle publieke
gesondheidsorgfasiliteite (klinieke, gemeenskapsgesondheidsorgsentra en hospitale)
aangebied (SA, DvG. 2005a:7). Gesondheidsorgwerkers is dus in die ideale posisie
om elke geleentheid/kontak met kinders te gebruik om vas te stel of hul
immuniseringskedule op datum is al dan nie.
Die EPI-program brei nie uit oor die behandeling van MIV-blootgestelde/-positiewe
kinders nie. Die enigste riglyn in hierdie verband is dat kinders met VIGS nie die
Bacille Calmette-Geurin (BCG) vaksiene moet ontvang nie, terwyl alle ander vaksiene
aan kinders wat MIV-positief is of VIGS het, gegee kan word (SA. DvG, 2005a: 56,
57).
Die immunisering van kinders met MIV hou egter etlike probleme in. As gevolg van „n
reeds onderdrukte immuunstelsel, is daar „n risiko dat die toediening van lewende
vaksiene progressiewe infeksie kan veroorsaak. Die vroeë identifisering van MIV-
geïnfekteerde babas vorder egter nog te stadig in Suid Afrika. As gevolg van die
toenemende aantal MIV-positiewe persone met TB ko-infeksie, is die aanbeveling dat
BCG aan alle babas (ten spyte van MIV-blootstelling) toegedien sal word (Madhi et al.
in Kibel et al, 2007: 131, 132).
Die moontlikheid dat „n MIV-positiewe kind TB onder lede kan hê, kan egter nie
uitgesluit word nie. Alle kinders wat vir langer as 14 tot 21 dae aanhoudend hoes,
swak gewigstoename of aanhoudende gewigsverlies toon, vir langer as sewe dae
koors van onbekende oorsaak het en kontak met „n TB-geïnfekteerde persoon gehad
het, sal vir moontlike TB beraam word en volgens riglyne hanteer word. Die
diagnosering en behandeling van MIV-positiewe kinders wat gelyktydig met TB
presenteer, is egter gekompliseerd en word vervolgens met verwysing na die
implementering van die Nasionale TB-program in die Vrystaat bespreek.
2.4.2.6 Nasionale Tuberkulose-program
Die WGO het TB in 1993 as 'n wêreldwye krisis verklaar. In Afrika word TB as een
van die leidende oorsake van sterftes beskou, met Suid-Afrika as een van die mees
69