beskrywing van gesondheidsorgdiens wat aan miv-blootgestelde

Behalwe vir die beraming van ART-newe-effekte, is die belang van al die
behandelingskomponente soos in Tabel 4.8 vervat, reeds in vorige afdelings van die
hoofstuk bespreek. Volgens Tabel 4.8 het die PV's (n=3) wat bevestig het dat MIV-
kinders opvolgbehandeling ontvang, ook aangedui dat hierdie kinders vir ART-newe-
effekte beraam sal word. By ART-verwante PGS/GGS het 71% PV bevestig dat
hierdie diens gelewer word. In gevalle waar hierdie diens egter nie gelewer word nie,
kan die versuim om newe-effekte te identifiseer, daartoe lei dat MIV-positiewe kinders
verdere ongemak as gevolg van onbehandelde ART-newe-effekte soos
hardlywigheid, braking, veluitslag, pynlike oë en orale sproei, moet verduur (Rochat
et al., 2008:43).
Dit blyk uit Tabel 4.8 dat die immunisering van MIV-positiewe kinders wat ART
ontvang, by ART-verwante hospitale agterweë gelaat word. Geen van die PV's het
aangedui dat hierdie diens daar gelewer word nie. Hierdeur bevraagteken die
navorser weer eens PV's se ingeligtheid met betrekking tot die immunisering van
MIV-positiewe kinders. Dit kan ook daarop dui dat dienste gefragmenteerd is en dat
daar van hierdie kinders verwag word om na 'n ander fasiliteit vir immunisering te
gaan.
In hierdie afdeling van die hoofstuk het die navorser bevindinge bekend gemaak met
betrekking tot die diens wat MIV-positiewe kinders by ART-verwante fasiliteite
ontvang. 'n Bespreking van PV's se gewilligheid om ART te insieer, asook die
deurlopende behandeling aan MIV-positiewe kinders wat nog nie ART ontvang nie,
sluit vervolgens weer albei soorte fasiliteite (ART-verwant en nie-ART-verwant) in.
4.4.5 Professionele verpleegkundiges se gewilligheid om
pediatriese ART te inisieer
Die New Strategic Plan maak voorsiening vir die opgradering van gesondheid-
sorgdienste met betrekking tot omvattende dienslewering wat ART aan MIV-
geaffekteerde/-blootgestelde en -positiewe kinders insluit. Tussentredes met
184