beskrywing van gesondheidsorgdiens wat aan miv-blootgestelde

PCR-tegniek
Die toets word sedert 2004 in Suid-Afrika as standaardprosedure vir die bepaling
van die MIV-status by kinders vanaf die ouderdom van ses weke gebruik (SA.
DvG, 2005:12). Hierdie sensitiewe en betroubare DNA-toets is veral geskik vir die
vroeë opsporing van MIV en „n positiewe resultaat kan binne 11-16 dae nadat die
individu MIV-geïnfekteerd geraak het, verkry word (SA. DvG, 2008:60; Van Dyk,
2008:88; Avert, 2007: Intyds; Rabie et al., 2006:35). Die voordeel van die toets is
dat die MI-virus direk in die bloed opgespoor kan word deur middel van vloeibare-
en/of droë (sogenaamde 'dried-blood-spot') bloedmonsters. Aangesien daar
substansiële bewyse is dat die „dried-blood-spot‟-toetse goedkoper as standaard
vloeibare PCR-toetse is, word die gebruik daarvan by fasiliteite in lae inkomste
areas aanbeveel. Die kind se bloed kan deur middel van „n hakprik op filtreer-
papier versamel word en benodig dus nie spuite, spuitnaalde of bloedbuise nie.
Die bykomende voordeel hiervan is dat personeel, wat nog nie oor vaardige
bloedtrek-tegnieke by kinders beskik nie, die makliker dried-blood-spot-toets kan
uitvoer. Verder het navorsing bevind dat die toets uiters sensitief is en kan tot so
min as een fragment van die nukleïensuur van MIV per 100 000 gasheerselle
opspoor (Van Dyk, 2008:88; Meyers et al., 2007:474; Sherman, Stevens, Jones,
Horsfield & Stevens, 2005:615).
Die PMTCT-program skryf ook die MIV-statusbepaling van kinders ouer as 18
maande voor. Die soort toets wat hiervoor gebruik word is die 'Enzyme-linked
Immunosorbant Assay' (ELISA) en word vervolgens kortliks bespreek (SA. DvG,
2008:61).
Ensiemgekoppelde MIV-antiliggaam toetsing
Die ELISA MIV-anti-liggaamtoets is „n gewilde en redelik goedkoop toets. Dit word
onder andere gebruik om MIV-blootgestelde kinders vanaf 18 maande en ouer te
toets (SA. DvG, 2005:14). Die toets het 'n sensitiwiteit van 99,6% en produseer
dus baie min vals negatiewe resultate (Van Dyk, 2008:85). Daar moet egter in
gedagte gehou word dat „n MIV-positiewe moeder se anti-liggame tot so lank as
18 maande in die baba se bloed opgespoor kan word. Daarom kan ELISA-toetse
wat vroeër as 18 maande op kinders gedoen word, vals positief wees. In hierdie
56