beskrywing van gesondheidsorgdiens wat aan miv-blootgestelde

verskaffing van ART;
profilaktiese kotrimoksasool toediening;
behandeling van MIV/TB ko-infeksie;
monitering van medikamentnakoming; en
behandeling aan die kinders se primêre versorgers (Giese, 2009:46, 47,
48).
MIV het ook „n noemenswaardige impak op die regte van die kind. Dit is daarom
noodsaaklik dat hul regte en behoeftes deurlopend hoë prioriteit tydens alle
tussentredes ten opsigte van MIV-voorkoming, -behandeling en ondersteuning, sal
geniet. In die New Strategic Plan word kinders se regte en belange ten opsigte
van MIV-voorkoming en -behandeling hoog aangeskryf en spesifieke tussentredes
ten einde voorgestelde standaarde te bereik, word duidelik in verskeie van die
New Strategic Plan se doelwitte beskryf (SA. DvG, 2007b; Michaels & Eley,
2007:135).
Die derde dokument wat op hierdie studie betrekking het, is 'n nasionale dokument
wat die hantering van MIV-blootgestelde/-positiewe kinders in Suid-Afrika rig en
word vervolgens bespreek.
2.4.1.3 Departementele riglyne vir die behandeling van MIV-
geïnfekteerde kinders
Die „Guidelines for the Management of HIV-infected Children‟ (DvG MIV-
kinderriglyne) is in 2005 deur die Suid-Afrikaanse DvG aan gesondheidsorg-
verskaffers (met die fokus op primêre vlak van sorg binne die konteks van die
distriksgesondheidsorgsisteem) bekend gestel. Die DvG MIV-kinderriglyne, dien
as maatstaf waarvolgens gesondheidsorgpersoneel MIV-blootgestelde/-positiewe
kinders moet behandel. Die 2005-uitgawe van hierdie dokument is saamgestel na
aanleiding van die doelwitte wat in die Operational Plan, asook die HIV & AIDS
and STI Strategic Plan for South Africa 2000-2005, vervat is (SA. DvG, 2005).
Aangesien die DvG MIV-kinderriglyne die meeste behandelingskomponente vir
pediatriese MIV insluit, word hierdie dokument as maatstaf vir die behandeling van
MIV-blootgestelde/-positiewe kinders in die publieke sektor, as ondersteuning van
die doel van hierdie studie, beskou.
42