beskrywing van gesondheidsorgdiens wat aan miv-blootgestelde

van hierdie sisteem hang egter van etlike faktore af en word vervolgens kortliks
bespreek.
2.2.1.1.4 Vereistes vir ‘n optimaal-funksionerende distriks-
gebaseerde primêre gesondheidsorgsisteem
Volgens van Rensburg en Pelser in Van Rensburg et al. (2004: 43, 147, 148) is
daar hoofsaaklik twee vereistes vir „n optimaal-funksionerende distriksgebaseerde
PGS-sisteem, naamlik:
strukturele integrasie: effektiewe desentralisasie waar die bestuur van
dienste so na as moontlik aan die laagste vlakke van versorging gebring
word; en
funksionele integrasie: geïntegreerde, omvattende dienslewering wat
fragmentasie en duplisering van dienste uitsluit en klem op toeganklik-
heid en kwaliteitsorg plaas.
Twee van die uitdagings ten opsigte van die ontwikkeling van 'n omvattende
distriksgebaseerde PGS, is die vereniging van verskillende gesagsfigure, wat
soms binne „n enkele provinsiale distrik geïsoleerd van mekaar funksioneer, asook
die integrasie van vertikale of alleenstaande gesondheidsorgprogramme. Die
ideaal is dat kliënte wat „n PGS-fasiliteit besoek, die voordeel van „n “een-stop-
diens” sal geniet. Dit sal byvoorbeeld beteken dat moeders en hul kinders tot al die
dienste wat hul tydens een besoek benodig, toegang sal hê. Met so 'n benadering
sal dit onnodig wees om kliënte heen-en-weer tussen fasiliteite vir verskillende
behoeftes te stuur en sodoende die kontinuïteit van sorg bevorder (Heunis et al.,
2003:19).
Daar moet in ag geneem word dat die distriksgebasseerde PGS-sisteem „n relatief
nuwe konsep in die Suid-Afrikaanse gesondheidsektor is. Die strewe na so „n
sisteem is die ideaal, maar die herstrukturering van die regering sedert 1994 het
die ontwikkeling daarvan vertraag (Van Rensburg & Pelser in Van Rensburg et al.,
2004:153). Volgens laasgenoemde skrywers het omvattende PGS nog nie ten
volle in die praktyk gematerialiseer nie en is volledige integrasie van bestuur en
31