beskrywing van gesondheidsorgdiens wat aan miv-blootgestelde

geval dui „n positiewe MIV-toets aan dat die baba aan MIV-blootgestel was, maar
nie noodwendig MIV-geïnfekteerd is nie. Onder hierdie omstandighede word „n
opvolg ELISA-toets aanbeveel. Indien die moeder haar baba geborsvoed het, kan
haar anti-liggame vir ongeveer drie maande na staking van die borsvoeding in die
baba se bloed opgespoor word (Sherman et al., 2005:615). „n Positiewe resultaat
behoort dus ook in hierdie geval deur „n bevestigende ELISA-toets opgevolg te
word, maar eers ses weke nadat borsvoeding gestaak is (Van Dyk, 2008:85, 89;
SA. DvG, 2005:14).
Die ELISA-toets is ook as die „rapid‟-toets beskikbaar. Dié maklike toets kan by die
kliniek, spreekkamer of hospitaal gedoen word. Dit benodig nie „n laboratorium nie
en die uitslae is gewoonlik binne 10 tot 30 minute beskikbaar. Bykomende
voordele van hierdie toets is dat personeel nie nodig het om bloed te trek nie,
maar „n vingerprik met „n lanset is voldoende. Die toets hoef ook nie deur „n
laboratoriumtegnikus bevestig te word nie, maar kan deur opgeleide en vaardige
verpleegpersoneel gedoen word. Indien die uitslag van die „rapid‟-toets nie
bevestig kon word nie, behoort dit met „n ELISA-anti-liggaamtoets opgevolg te
word (Van Dyk, 2008:86).
Volgens die PMTCT-program moet alle MIV-blootgestelde kinders vir MIV getoets
word. Die gebruik van die 'rapid'-toets word aanbeveel indien die soort toets vir
gebruik in kinders geskik is. Verder moet alle MIV-blootgestelde kinders, wie se
virale lading nog nie voorheen bepaal is nie, se MIV status teen die ouderdom van
18 maande met die 'rapid'- of die ELISA-toets bevestig word. Daar moet ook in ag
geneem word dat geen laboratoriumtoets 100% akkuraat is nie. Indien kinders se
kliniese tekens en simptome nie met toetsrestultate ooreenstem nie, moet
ouderdoms-gepaste MIV-toetse herhaal word (SA. DvG, 2008:61).
Die volgende aksieplanne wat in fase vier deur die PMTCT-program voorgeskryf
is, hou verband met die identifisering van MIV-positiewe babas wat vir ART geskik
is, die implementering van veilige voedingspraktykte en die monitering van babas
se gewig en groeipatrone.
57