beskrywing van gesondheidsorgdiens wat aan miv-blootgestelde

Die volgende aspek wat 'n nadelige invloed op onderhoudvoering kan hê, is die feit
dat deelname aan onderhoude vir die meeste mense „n onbekende ervaring is.
Gevolglik kan die persoon „n ander rol tydens die onderhoud inneem (bv. deelnemer
vooroordeel) en kan dit sy/haar respons beïnvloed. Laasgenoemde word as „n
bedreiging van geldigheid beskou (Burns & Grove, 2007:377). Die navorser het
hierdie invloed probeer uitskakel deur alle onderhoude by PV's se werksplek, waar
hulle normaalweg die rol van 'n PV inneem, te voer. Laasgenoemde intervensie bring
mee dat alle deelnemers sover as moontlik aan dieselfde omstandighede tydens die
onderhoudvoering blootgestel is (Polit & Beck, 2004:201). Wat die onderhoudvoerder
betref, kan onvoorbereidheid of onbekwaamheid ten opsige van onderhoudvoering,
tot onakkurate dataversameling lei (Burns & Grove, 2009:404). Om hierdie nadeel so
ver as moontlik te beperk, het die navorser die veldwerkers voor die aanvang van die
studie deeglik met betrekking tot die tegnieke van onderhoudvoering opgelei.
As gevolg van die gestruktureerde formaat van die vraelys wat tydens onderhoud-
voering gebruik word, kan betekenisvolle inligting verlore gaan omdat die deelnemer
nie op alle vrae kan uitbrei nie. Indien die deelnemer wel uitbrei, kan daardie data nie
later in die studie ingesluit word nie (Babbie & Mouton, 2001:250).
3.4.2 Die ontwikkeling van meetinstrumente
Die navorser het die vraelys, wat tydens die onderhoud gebruik was, in samewerking
met twee studieleiers ontwikkel. Die voor- en nadele van vraelyste, asook die
algemene beginsels ten opsigte van vraelysontwikkeling, soos wat dit in hierdie studie toegepas
is, word vervolgens bespreek.
90