beskrywing van gesondheidsorgdiens wat aan miv-blootgestelde

2007b:147; Luo et al., 2007:182). Volgens Daviaud en Chopra (2008:48) is daar by
verskeie publieke gesondheidsorgfasiliteite „n wanverhouding ten opsigte van
personeelkundigheid. Die skrywers argumenteer dat sommige dienste nie oor genoeg
geneeshere beskik nie en dat daar dan van PV's verwag word om funksies te verrig
waarvoor hulle nie behoorlik opgelei is nie. Dit kan die kwaliteit van dienslewering
nadelig beïnvloed.
„n Struikelblok wat die vroeë identifisering van kinders se MIV-status kan benadeel, is
die feit dat min individue vaardig is met pediatriese venepunktuur (Meyers et al.,
2007:476). Indien „n fasiliteit nie oor beskikbare tegnologie of personeelvaardigheid
ten opsigte van vroegtydige MIV-opsporing beskik nie, vertraag dit die aanvang van
nodige behandeling en het dit verskeie nadelige sosiale, ekonomiese en
gesondheidsgevolge (Sherman et al., 2005:615). Met toenemende beskikbaarheid
van die makliker „dried-blot-spot‟-metode van toetsing is laasgenoemde struikelblok
egter oorkombaar.
Die ernstige komplikasies wat met sommige ART-newe-effekte gepaardgaan, vereis
gewoonlik behandeling deur personeel wat oor pediatriese kundigheid beskik. Die
meeste van hierdie persone is gewoonlik in tersiêre- en streekshospitale werksaam
en nie in die primêre sektor nie, waar die meeste kinders behandeling ontvang. Dit
dra dus by tot die onderbenutting van kundige personeel en kan kinders aan
suboptimale behandeling blootstel (Meyers et al., 2007:478).
Uiteindelik noodsaak die gebrek aan kundigheid, met betrekking tot die behandeling
van MIV-blootgestelde/-positiewe kinders, dat personeel soms vir „n paar dae tot
weke vir opleiding gestuur moet word. Die afwesigheid van een of twee
personeellede kan „n reeds onderbemande fasiliteit verder belas en dienslewering
tydelik inkort (Meyers et al., 2007:78).
2.5.2 PMTCT-program
Die aantal kinders wat deur middel van vertikale oordrag aan MIV blootgestel word,
en gevolglik MIV behandeling benodig, kan aansienlik verminder word deur
effektiewe voorkomingsdienste wat vertikale oordrag kan verhoed. Hierdie dienste
77