beskrywing van gesondheidsorgdiens wat aan miv-blootgestelde

positiewe kinders immuniseer. Die implikasie vir MIV-positiewe kinders wat nie
geïmmuniseer word nie, is dat hulle dalk, weens immuunonderdrukking, 'n groter
risiko het om oordraagbare siektes op te doen.
Verskaf profilaktiese kotrimoksasool
Dit blyk dat profilaktiese kotrimoksasool in die meeste gevalle (94%) by PGS/GGS
aan MIV-positiewe kinders toegedien word (kyk Tabel 4.7). Dit stem grootliks ooreen
met die 97% PV's wat by hierdie fasiliteite bevestig het dat hulle hierdie diens ook
aan MIV-blootgestelde kinders lewer (kyk Figuur 4.7). In teenstelling hiermee het
slegs 47% PV's by hospitale aangedui dat profilaktiese kotrimoksasool aan MIV-
blootgestelde kinders toegedien word, terwyl Tabel 4.7 weerspieël dat 74% PV's by
hospitale bevestig het dat hulle hierdie diens aan MIV-positiewe kinders lewer.
Hierdie resultaat bevraagteken die konsekwente toepassing van voorgeskrewe
behandelingsriglyne aan MIV-geaffekteerde kinders by hospitale.
Behandel opportunistiese infeksies
Tabel 4.7 illustreer dat 83% PV's by PGS/GGS bevestig het dat hulle kinders met
opportunistiese infeksies behandel. Die feit dat 73% PV's by hospitale hierdie
dienslewering bevestig het, mag dalk 'n aanduiding wees dat kinders met MIV meer
geneig is tot opportunistiese infeksies wat na gelang van die erns daarvan
hospitalisasie noodsaak.
Voorligting aan moeder/primêre versorger
'n Area van kommer is die lae persentasie (63%) PV‟s by PGS/GGS wat aangedui het
dat hulle aan die MIV-positiewe kind se moeder/primêre versorger voorligting gee.
Hierdie inligting in Tabel 4.7 stem nie ooreen met die resultate in Tabel 4.5 waar 87%
PV‟s aangedui het dat MIV-voorligting by die betrokke fasiliteit aangebied word nie.
By hospitale het 55% PV's aangedui dat MIV-voorligting by die betrokke afdeling
174