beskrywing van gesondheidsorgdiens wat aan miv-blootgestelde

tot hulle professionele kwalifikasies, die gesondheidsorgprogramme/strategieë waarin
hulle opleiding ontvang het en hul opleidingsbehoeftes, deur middel van tabelle,
grafieke en die bespreking van die inhoud, gegee.
4.2.1.1 Kwalifikasies van die professionele verpleegkundiges
In 'n onlangse nasionale beleidsdokument voer die Nasionale DvG aan dat die
lewering van kwaliteit gesondheidsorgdiens op al drie vlakke van die gesondheid-
sorgsisteem deur bekwame gesondheidsorgpersoneel gelewer behoort te word.
Volgens hierdie beleid word bekwaamheid en vaardigheid deur volgehoue opleiding
en professionele ontwikkeling bekom en rus die onus op diegene, wat gesondheids-
dienste lewer, om die kwaliteit van dienslewering deurlopend te verbeter (SA. DvG,
2007:17). Kibel et al. (2007:190) ondersteun die stelling dat die lewering van kwaliteit
gesondheidsorg afhanklik is van die bekwaamhede en vaardighede van personeel
wat in gesondheidsorgfasiliteite werksaam is.
In die New Strategic Plan word die kommer uitgespreek dat 'n tekort aan bekwame
gesondheidsorgpersoneel 'n bedreiging vir die suksesvolle implementering van die
beplande strategieë teen MIV/VIGS inhou. 'n Aanbeveling wat in hierdie verband
gemaak word, is dat geleenthede vir die opleiding van gesondheidsorgwerkers, waar
nodig, geskep moet word (SA. DvG, 2007b:121).
Figuur 4.1 illustreer die soort professionele kwalifikasies, asook die persentasie PV‟s
wat reeds sodanige kwalifikasies bekom het. Slegs die professionele kwalifikasies
wat op hierdie studie betrekking het, word vervolgens bespreek.
133