Security Issues - IDM Albania

100 INSTITUTI PËR DEMOKRACI DHE NDËRMJETËSIM
• Zhvillimi i arsimimit profesional që ka humbur rëndësinë
gjatë viteve të fundit (ka një perceptim të përgjithshëm se disa
profesione teknike kanë humbur).
• Përmirësimi i bashkëpunimit ndërmjet institucioneve
përkatëse për sa i përket tregut informal të punës.
Niveli i të ardhurave
Pavarësisht vështirësive të fillimit, inflacioni u zbut
ndjeshëm, në një kohë që kreditimi i hapi rrugën lulëzimit të
mijëra bizneseve private dhe ndërkohë varfëria është ulur me
50% në 5 vitet e fundit. Megjithatë, shumica e të dhënave
tregojnë se Shqipëria ende ka një rrugë të gjatë për të bërë jo
vetëm për të arritur vendet evropiane më të zhvilluara, por
edhe me fqinjët e saj në rajon. Pavarësisht një rritjeje pozitive
të GDP-së, Shqipëria mbetet ende vendi i dytë më i varfër në
Evropë, ku një pjesë e madhe e popullsisë është detyruar të
emigrojë dhe ata që kanë zgjedhur të qëndrojnë, mbeten
shumë të varur në të ardhurat që dërgojnë emigrantët.
Llogaritet që 27.5% e popullsisë jetojnë jashtë vendit duke
siguruar më shumë se 15% të GDP-së së Shqipërisë në 10
vitet e fundit. Në raportin vjetor të Bankës Botërore të vitit
2006 deklarohej se pa këto të ardhura shqiptarët do të jetonin
me më pak se 2$ në ditë. Megjithatë gjatë viteve të fundit, si
pasojë e krizës ekonomike globale, e cila nxjerr në pah
ndërvarësinë strukturore të ekonomive të vendeve të
zhvilluara dhe varësinë për nga pikëpamja e sigurisë
ekonomike makro-nivelore të vendeve në zhvillim, dërgesat
e parave nga emigracioni janë ulur duke shkaktuar probleme
sidomos në zonat rurale ku këto të ardhura janë burimi kryesor
me 40% të të ardhurave totale, çka mund të cenojë një sërë
komponentësh të sigurisë ekonomike. Për më tepër pjesa më
e madhe e këtyre të ardhurave (70%) për pjesën e parë të vitit
2008 u përdor për qëllime jo-produktive. Rreth 48% u përdor
për konsumim, 16% për ndërtim dhe 10% për edukim.