You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ÇËSHTJE TË SIGURISË - 12<br />
93<br />
individët e pasigurt në Shqipëri. Dhuna politike, ekonomike,<br />
sociale, psikologjike, fizike, seksuale etj, ndonëse në<br />
parametra të ndryshëm, është e pranishme dhe gjithmonë<br />
shoqëruese e ndjenjës së frikës, e pasojës së pasigurisë që<br />
pashmangshmërisht çon në sjellje antikonformiste për<br />
komunitetin, izolon individin, rrjedhimisht mbyll rrugët e<br />
mundshme për zgjidhjen e problemeve që kanë të bëjnë me<br />
sigurinë, për aq kohë sa vetë individi refuzon të marrë pjesë<br />
në një proces të tillë. Pritshmëritë, pa dyshim si në çdo teori<br />
politike apo të një natyre sociale, i adresohen shtetit, i cili<br />
mbi të gjitha ka në dorë të ruajë qytetarin në vende publike,<br />
të përjashtojë rrezikun dhe kërcënimin nga dhuna ndaj tij<br />
duke siguruar në mënyrë dydimensionale sigurinë njerëzore/<br />
personale dhe suksesin e drejtësisë që ofron ligji dhe rregulli<br />
që ai vendos.<br />
Të qenit i pasigurt personalisht nuk nënkupton në<br />
mënyrë të domosdoshme prezencën apo pjesëmarrjen në<br />
një akt dhune, kërcënimi, persekutimi apo diskriminimi.<br />
Nuk ka të bëjë, pra, me të provuarin e një eksperience të<br />
tillë për të vlerësuar pasigurinë. Në fakt pjesa më e madhe<br />
e personave që nuk ndihen të sigurt personalisht në Shqipëri<br />
shumë rrallë ose asnjëherë nuk kanë qenë subjekt i<br />
kërcënimit, diskriminimit persekutimit apo më tej akoma<br />
ushtrimit të dhunës. Prandaj së pari siguria personale është<br />
një çështje e faktorëve kualitativë; ndjenja dhe perceptime,<br />
duke e bërë Shqipërinë një vend me probleme serioze në<br />
kuadër të sigurisë humane pavarësisht faktit se në<br />
dokumentet strategjikë nuk i kushtohet vëmendje e<br />
madhe. 11 Por për aq kohë sa siguria personale është një<br />
ndjenjë vetjake, e ka të bëjë me një arsyetim personal,<br />
gjithsecili vlerëson shkallën e mirëqenies së tij nga<br />
pikëpamja e sigurisë duke konsideruar shtetin apo ndonjë<br />
forcë tjetër reale apo virtuale, në varësi të besimit apo<br />
qëndrimit që mban, si katalizator që lehtëson e më idealisht<br />
ende siguron qenien e këtij individi si “i sigurt”.<br />
11 “Human <strong>Security</strong> in <strong>Albania</strong>”, Early Warning Report, UNDP-AIIS,<br />
April 2004.