You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
120 INSTITUTI PËR DEMOKRACI DHE NDËRMJETËSIM<br />
referues i sigurisë. Emanuel Adler dhe Michael Barnett 42<br />
argumentojnë se komuniteti mund të përcaktohet në tre<br />
karakteristika kryesore: E para është që anëtarët e një komuniteti<br />
kanë identitet, vlera dhe kuptime të përbashkëta. E dyta është<br />
fakti se anëtarët e një komuniteti kanë marrëdhënie të ndërsjella<br />
direkte e të shumanshme. E treta komunitetet tregojnë reciprocitet<br />
që shprehet përmes disa formave interesi afatgjatë madje edhe<br />
altruizmi ndaj pjesëtarëve të tjerë të këtij komuniteti. Ndërkohë<br />
në anën tjetër nocioni i “sigurisë” përfshin: identifikimin e vetes;<br />
përcaktimin e rrezikut; identifikimin e agjentit që do të përballet<br />
me rrezikun si dhe përcaktimin e masave që do të ndërmerren<br />
ndaj situatës. Duke bashkuar “sigurinë” me “komunitetin” shumë<br />
shtete po e rishikojnë konceptin e autoritetit/pushtetit që ato<br />
gëzojnë, për të përfshirë dhe zgjeruar aftësinë e komunitetit për<br />
të zhvilluar vlerat e tij si dhe përballimin e ndonjë kërcënimi të<br />
mundshëm në veçanti kur kemi të bëjmë me grupe/komunitete<br />
vulnerabil. Bashkëveprimi mes këtyre elementëve përbën edhe<br />
kornizën e zhvillimit të sigurisë komunitare në një vend specifik<br />
si është Shqipëria.<br />
Teksa flasim për identitetin dhe lirinë për t’u bërë pjesë e një<br />
komuniteti, vlen të përmendet se ashtu si komuniteti është i<br />
ndryshueshëm në kohë edhe prioritetet në sigurinë komunitare<br />
mund të ndryshojnë madje edhe të pushojnë së ekzistuari. Disa<br />
nga kërcënimet më të hasura në kontekstin e sigurisë komunitare,<br />
mund të konsiderohen shpërbërja e familjes, zhdukja e gjuhës<br />
dhe e kulturës tradicionale së një grupi të popullsisë, diskriminimi<br />
etnik, racial, fetar, seksual; konfliktet me bazë nacionaliste, si dhe<br />
në raste ekstreme gjenocidi e pastrimi etnik.<br />
Komunitetet kombëtare dhe etnokulturore<br />
në Shqipëri<br />
Pavarësisht një trashëgimie deri diku pozitive me të cilën<br />
Shqipëria doli nga e shkuara e saj komuniste (të paktën në<br />
42 Adle. Emanuel, Barnett. Michael, <strong>Security</strong> Communities, Cambridge<br />
University Press. 1998.
Change language